Maharashtra municipal Election : स्थनिक स्वराज्य संस्थांच्या निवडणुकांची तयारी गतीमान

Maharashtra municipal Election : महापालिका व नगरपालिकांना प्रभाग रचनेसाठी नगरविकास विभागाचा आदेश,मुंबईत 227 सदस्य कायम, इतर शहरांत बहु-सदस्यीय प्रभाग रचना निश्चित

मुंबई | राज्यात लवकरच स्थानिक स्वराज्य संस्थांच्या निवडणुकीचा बिगुल वाजण्याची शक्यता आहे. Maharashtra municipal Election सर्वोच्च न्यायालयाच्या आदेशानंतर नगरविकास विभागाने मोठा पाऊल उचलत सर्व 29 महानगरपालिका व 257 नगरपालिकांना तातडीने प्रभाग रचनेसंदर्भातील प्रस्ताव तयार करून राज्य निवडणूक आयोगाकडे सादर करण्याचे आदेश दिले आहेत.

मुंबई महानगरपालिकेसाठी सदस्यसंख्या 227 वर स्थिर ठेवण्यात आली असून, एकसदस्यीय प्रभाग रचना कायम राहणार आहे. याआधी ठाकरे सरकारने ही संख्या 236 वर नेली होती, मात्र शिंदे सरकारने 8 सप्टेंबर 2022च्या निर्णयानुसार पूर्वस्थिती बहाल केली आहे. इतर महानगरपालिकांमध्ये मुख्यतः चार सदस्यीय प्रभाग रचना असून, विशेष परिस्थितीत तीन किंवा पाच सदस्यही शक्य आहेत. नगरपालिकांसाठी दोन सदस्यीय प्रभागांची रचना ठरवण्यात आली आहे.

निवडणुकांचे बिगुल कधीही वाजू शकते, असे संकेत असून, आगामी सप्टेंबर-ऑक्टोबरमध्ये महानगरपालिका व नगरपालिका निवडणुकांची शक्यता वर्तवली जात आहे. त्यामुळे राज्यातील राजकीय हालचालींना गती मिळण्याची चिन्हे आहेत.

महापालिकांची प्रभागसंख्या

मुंबई : 227

ठाणे : 131

नवी मुंबई : 111

पुणे : 162

नागपूर : 151

पिंपरी-चिंचवड : 128

कल्याण-डोंबिवली : 122

पनवेल : 78

छत्रपती संभाजीनगर : 115

कोल्हापूर : 81

वसई- विरार : 115