Maharashtra Legislative Council Election: विधानपरिषद निवडणूक रंजक होणार, क्रॉस व्होटिंगमुळे कोणाचा खेळ बिघडणार?
Maharashtra Legislative Council Election : विधान परिषदेच्या 11 जागांसाठी निवडणूक होणार आहे. 11 जागांसाठी आता 12 उमेदवारांनी अर्ज दाखल केल्याने ही निवडणूक अधिकच रंजक बनली आहे.
मुंबई :- लोकसभा निवडणुकीच्या निकालानंतर राज्यातील बदलत्या राजकीय परिस्थितीमध्ये विधान परिषदेच्या 11 जागांसाठी 12 जुलै रोजी निवडणूक होत आहे. या 11 जागांसाठी एकूण 12 उमेदवारांनी अर्ज दाखल केले होते. गुरुवारी उमेदवारी अर्ज मागे घेण्याची शेवटची तारीख असून, ठाकरे गटाचे मिलिंद नार्वेकर हे किंवा अपक्ष जयंत पाटील
उमेदवार आपली नावे मागे घेतील, अशी चर्चा राजकीय वर्तुळात होती.
उमेदवारी अर्ज मागे घेण्याची मुदत संपूनही एकाही उमेदवाराने आपले नाव मागे घेतले नाही. आता 12 जुलैला होणाऱ्या विधान परिषदेच्या निवडणुकीत निकराची लढत पाहायला मिळणार आहे. Maharashtra Legislative Council Election News
विधान परिषदेच्या निवडणूक रिंगणात कोण आहेत?
विधानपरिषद निवडणुकीसाठी भाजपने पाच उमेदवार उभे केले आहेत: पंकजा मुंडे, सदाभाऊ खोत, परिणय फुके, योगेश टिळेकर आणि अमित गोरखे. अजित पवार यांच्या नेतृत्वाखालील राष्ट्रवादीकडून राजेश विटेकर आणि शिवाजीराव गर्जे हे रिंगणात आहेत. मुख्यमंत्री एकनाथ शिंदे यांनी शिवसेनेकडून भावना गवळी आणि कृपाल तुमाने यांना उमेदवारी दिली आहे.
दुसरीकडे, जयंत पाटील राष्ट्रवादी (शरद पवार यांचा पक्ष) आणि काँग्रेस पक्षाच्या पाठिंब्यावर निवडणूक लढवत आहेत. उद्धव ठाकरे यांनी शेवटच्या क्षणी मिलिंद नार्वेकर यांना रिंगणात उतरवल्याने विधानपरिषद निवडणुकीत कोंडी झाली आहे. मिलिंद नार्वेकर यांची सर्वपक्षीय आघाडी या निवडणुकीत कितपत प्रभावी ठरते हे पाहणे उत्सुकतेचे ठरणार आहे. असे झाल्यास सत्ताधारी महायुती मिलिंद नार्वेकर कोणत्या पक्षाचे मताधिक्य मोडतात हे पाहणे महत्त्वाचे ठरणार आहे. विधानसभेची एकूण सदस्य संख्या 274 आहे. Maharashtra Legislative Council Election News
