Maharashtra Cabinet Meeting : सरकारचे धडाकेबाज निर्णय, कौशल्य विद्यापीठात रतन टाटा यांचे नाव

Maharashtra Cabinet Meeting : राज्य मंत्रिमंडळात सरकारने 19 धडाकेबाज निर्णय घेत विधानसभा निवडणुकीपूर्वी महाराष्ट्रातील जनतेला सरकारकडून खास गिफ्ट

मुंबई :- राज्यभरात विधानसभा निवडणुकीचे Vidhan Sabha Election बिगुल कोणत्याही क्षणी वाजू शकते. आचारसंहिता लागण्याकरिता अतिशय कमी कालावधी असताना सरकार तत्पूर्वीच निर्णयाचा भडीमार करत आहे. राज्य सरकारने आज झालेल्या मंत्रिमंडळाच्या बैठकीत Maharashtra Cabinet Meeting मुंबईकरांना दिवाळीपूर्वीच गिफ्ट दिले आहे. मुंबईतील सर्व टोल नाका लहान वाहनां करिता टोल मुक्त झाले आहे. मंत्रिमंडळाच्या बैठकीत कौशल्य विद्यापीठात रतन टाटा यांचे नाव देण्याचा निर्णय बैठकीत घेण्यात आले आहेत. 19 धडाकेबाज निर्णय मंत्रिमंडळाच्या बैठकीत घेण्यात आले आहे.

राज्य मंत्रिमंडळाच्या बैठकीत निर्णय

1.मुंबईतल्या 5 प्रवेश मार्गांवरील पथकर (टोल) हलक्या वाहनांसाठी माफ. आज रात्रौ 12 वाजेपासून अंमलबजावणी.

2.आगरी समाजासाठी महामंडळ

3.समाजकार्य महाविद्यालयांमधील अध्यापकांना करिअर ॲडव्हान्समेंट स्किम

4.दमणगंगा एकदरे गोदावरी नदी जोड योजनेस मान्यता

5.आष्टी उपसा सिंचन योजनेस सुधारित मान्यता

6.वैजापूरच्या शनीदेवगाव बंधाऱ्यास प्रशासकीय मान्यता

7.राज्य शेती महामंडळाची जमीन एमआयडीसीला हस्तांतरित

8.पाचपाखाडी येथील जमीन ठाणे मनपास प्रशासकीय भवनासाठी

9.खिडकाळी येथील जमीन हायब्रिड स्किल विद्यापीठासाठी विनामूल्य

10.राज्यात प्रधानमंत्री आवास योजना (शहरी ) 2.0 राबविणार

11.पुणे मेट्रो रेल टप्पा-2 मधील रेल्वे मार्गिंकांच्या कामांना मान्यता

12.किल्लारीच्या शेतकरी सहकारी कारखान्याचे कर्ज व्याजासह माफ

13.अडचणीतील सहकारी उपसा जलसिंचन योजनांचे थकीत कर्ज माफ

14.मिरजच्या शासकीय वैद्यकीय महाविद्यालयात इमर्जन्सी मेडिसिनची 3 पदे

15.खंड क्षमापित झालेल्या वैद्यकीय अधिकाऱ्यांना जुनी पेन्शन योजना

16.मराठी भाषेविषयक जनजागृतीसाठी पंधरवडा

17.अण्णासाहेब जावळे मराठवाडा विकास मंडळ अभ्यासगट

18.‘उमेद’साठी अभ्यासगट

19.कौशल्य विद्यापीठास रतन टाटा यांचे नाव