Lok Sabha Session : लोकसभेत संविधान हातात घेऊन विरोधी पक्षाच्या खासदारांनी घेतली शपथ

Lok Sabha Session : काँग्रेसच्या बहुतांश खासदारांनी आज संविधानाची प्रत हातात घेऊन शपथ घेतली. या वेळी कार्यवाहक सभापती भर्त्रीहरी महताब यांनी सभागृहाचे कामकाज चालवले.

ANI :- अठराव्या लोकसभेचे पहिले अधिवेशन (18th Lok Sabha First Session ) सुरू झाले आहे. संसदेत पंतप्रधान नरेंद्र मोदी, PM Modi त्यांच्या मंत्रिमंडळाचे सदस्य तसेच इतर नवनिर्वाचित सदस्यांनी सभागृहाचे सदस्य म्हणून शपथ घेतली. यावेळी महाराष्ट्र काँग्रेसच्या बहुतांश खासदारांनी हातात संविधानाची प्रत घेऊन शपथ घेतली. कार्यवाहक अध्यक्ष (प्रोटेम स्पीकर) भर्त्रीहरी महताब यांनी सभागृहाचे कामकाज चालवले आणि सदस्यांना शपथ दिली. (18th Lok Sabha First Session )

महाराष्ट्रात काँग्रेस, राष्ट्रवादी काँग्रेसच्या शरद गट आणि शिवसेनेच्या उद्धव गटाच्या खासदारांनी वेगवेगळ्या भाषेत शपथ घेतली. कोणी हिंदीत तर कोणी मराठीत शपथ घेतली. शपथविधी सोहळ्यात काँग्रेसचे नंदुरबारचे खासदार ॲडव्होकेट गोवळ कागद पाडवी, काँग्रेसच्या धुळ्याच्या खासदार बच्चव शोभा दिनेश आणि सोलापूरच्या काँग्रेसच्या खासदार प्रणिती शिंदे यांच्या हातात संविधानाची प्रत होती. (18th Lok Sabha First Session )