Kurla Murder : कुर्ला येथे 30 रुपयांसाठी मित्रानेच मित्राची हत्या केली, ऑटोरिक्षाच्या भाड्यावरून वाद झाला.

Kurla Murder News : कुर्ला पोलिसांनी दिलेल्या माहितीनुसार, सैफ आणि छक्कन हे मित्र होते, ते सात दिवसांपूर्वी उत्तर प्रदेशातील गोंडा येथून मुंबईत आले होते. हे दोघेही धारावीतील एका कपड्याच्या कारखान्यात शिवणकामाचे काम करायचे.

मुंबई :- कुर्ल्यात अवघ्या 30 रुपयांसाठी मित्राने आपल्याच मित्राची हत्या केल्याची धक्कादायक घटना समोर आली आहे. Kurla Murder Incident ऑटोरिक्षाचे भाडे देण्यावरून दोघांमध्ये वाद झाला, जो इतका वाढला की एकाने दुसऱ्याचा जीवही घेतला.मृत्यू झालेल्या मित्राचे नाव छक्कन अली, (28 वर्ष)आणि आरोपी सैफ जाहिद अली, (29 वर्ष ) दोघेही उत्तर प्रदेशातील गोंडा जिल्ह्यातील एकाच गावचे रहिवासी असून काही दिवसांपूर्वी ते मुंबईत कामानिमित्त आले होते. दोघेही कपड्याच्या कारखान्यात काम करायचे. Kurla Murder Latest News

पोलिसांनी सांगितले की, मुंबईतील कुर्ला परिसरातील पॅलेस रेसिडेन्सी बारच्या बाहेर एक तरुण रक्तबंबाळ अवस्थेत पडला असल्याची माहिती मिळाली होती, त्यानंतर कुर्ला पोलिसांनी घटनास्थळ गाठून या तरुणाला रुग्णालयात नेले असता डॉक्टरांनी त्याला मृत घोषित केले. Kurla Murder Latest News

शरीरावर जखमेच्या खुणा पाहून पोलिसांना संशय आला आणि त्यांनी चौकशी सुरू केली. मुंबई गुन्हे शाखा कक्ष 5 देखील त्याच्या तपास करत होते. मृतदेह सापडल्यानंतर, मुंबई गुन्हे शाखेच्या कक्ष 5 च्या पथकाने बारच्या बाहेरील सीसीटीव्ही फुटेज तपासले, त्यावरून रात्री 1 वाजण्याच्या सुमारास मयत आणि अन्य एका व्यक्तीमध्ये वाद झाल्याचे उघड झाले. Kurla Murder Latest News

कुर्ला पोलिसांनी केलेल्या तपासात सैफ आणि छक्कन हे मित्र असल्याचे उघड झाले असून, ते सात दिवसांपूर्वी उत्तर प्रदेशातील गोंडा येथून मुंबईत आले होते. हे दोघेही धारावीतील एका कपड्याच्या कारखान्यात शिवणकामाचे काम करायचे. रविवारी रात्री दारूच्या नशेत दोघेही धारावी ९० फूट रोडवरून एलबीएस रोडवरील पॅलेस रेसिडेन्सी बारकडे रिक्षा घेऊन गेले. Kurla Murder Latest News

घटनेनंतर लगेचच आरोपी सैफ घटनास्थळावरून पळून दादर रेल्वे स्थानकावर गेला. तेथून त्यांनी जलद लोकल ट्रेनने कल्याण रेल्वे स्थानक गाठले. गुन्हे शाखेच्या युनिट 5 च्या पोलिसांनी आरोपी सैफला सोमवारी संध्याकाळी 6 वाजण्याच्या सुमारास कल्याणहून गोरखपूर एक्स्प्रेसने उत्तर प्रदेशातील गोंडा येथे जात असताना पकडले. मुंबई क्राईम ब्रँचने आरोपीला कल्याण रेल्वे स्थानकातून अटक करून कुर्ला पोलिस स्टेशनच्या Kurla Police Staion ताब्यात दिले.Kurla Murder Latest News