Kurla Bus Accident : कुर्ला बस अपघातात मृतांचा आकडा वाढला, 7 जणांना जीव गमवावा लागला, 42 जखमी, चालकाबद्दल मोठा खुलासा

Kurla Bus Accident : कुर्ला बस अपघातातील आरोपी चालक संजय मोरे याची नियुक्ती गेल्या 1 डिसेंबर रोजीच झाली होती. ड्रायव्हरला कंत्राटावर घेतले होते. आरोपीला बस चालवण्याचा पूर्वीचा अनुभव नव्हता.

मुंबई :- कुर्ला पश्चिम रेल्वे स्थानकाच्या आंबेडकर नगरमध्ये सोमवारी (9 डिसेंबर) रात्री बेस्ट बसचा भीषण अपघात झाला. बसने रस्त्यावरून चालणाऱ्या डझनभर लोक आणि वाहनांना चिरडले. Kurla Bus Accident आतापर्यंत मिळालेल्या माहितीनुसार या अपघातात एकूण 49 जण जखमी झाले असून त्यापैकी 7 जणांचा मृत्यू झाला आहे.याप्रकरणी पोलिसांनी Kurla Police Station आरोपी चालकाविरुद्ध एफआयआर दाखल केला आहे.

ही घटना घडली तेव्हा बसमध्ये सुमारे 60 प्रवासी होते. या घटनेत तीन पोलीस आणि एमएसएफ (महाराष्ट्र सुरक्षा दल) चा एक जवान जखमी झाला आहे. पोलिस उपनिरीक्षक प्रशांत चव्हाण हेही जखमी झाले, तर 20-25 वाहनांचे नुकसान झाले.

आरोपी चालक संजय मोरे (54 वय) याची नियुक्ती 1 डिसेंबर रोजीच झाली होती. ड्रायव्हरला कंत्राटावर घेतले होते. आरोपी चालकाला बस चालवण्याचा पूर्वीचा अनुभव नव्हता.ही बस सोमवारी रात्री 21.45 च्या सुमारास कुर्ला रेल्वे स्थानक (पश्चिम) येथून साकीनाकाकडे जात होती. यावेळी बस चालकाचा बसवरील ताबा सुटला, त्यामुळे वेग वाढला आणि ही दुःखद घटना घडली.

घटनेनंतर स्थानिक लोकांनी जखमींना तातडीने जवळच्या भाभा रुग्णालयात नेण्यास सुरुवात केली. पोलीस आणि अग्निशमन दलाचे पथकही घटनास्थळी पोहोचले.पोलिसांनी दिलेल्या माहितीनुसार, जखमींवर भाभा हॉस्पिटल, कोहिनूर हॉस्पिटल, सेव्हन हिल्स हॉस्पिटल, सिटी हॉस्पिटल आणि हबीब हॉस्पिटलमध्ये उपचार सुरू आहेत. या घटनेनंतर आमदार महेश कुडाळकर यांनीही घटनास्थळी पोहोचून आरोपींवर कठोर कारवाईची मागणी केली.