Kondhwa Fake Document | कोंढव्यात पारगे नगर येथे ‘बेकायदेशीर’ बांधकामांना ऊत ! बनावट कागदपत्रांचे मोठे रॅकेट ?
- एमआरटीपीची कारवाई फक्त नावालाच ?
- लिमरा कंस्ट्रक्शन कडून कायद्याची पायमल्ली ?
- बनावट कागदपत्रांचा आधार घेत खरेदी-विक्री ?
पुणे, दि. ८ फेब्रुवारी, महाराष्ट्र मिरर
कोंढव्यातील पारगे नगर येथील अनाधिकृत बांधकामांना ऊत आला आहे. बेकायदेशीर बांधकामाकडे पुणे महापालिका बघ्याची भूमिका घेऊन पाहत असल्याने ‘अर्थ’पूर्ण व्यवहार चर्चेत येत आहे. पुणे मनपाकडून एमआरटीपीची कारवाई झाली असताना देखील इमारतीचे बांधकाम पूर्ण करण्यात आल्याने पालिका प्रशासनाविषयी शंकेचे वातावरण निर्माण झाले आहे. बनावट जामीन प्रकरणाचा पर्दाफाश करणारे पोलीस बनावट कागदपत्र रॅकेटचे धागेदोरे उघड्यावर आणतील का ? याबाबत चर्चा आहे. kondhwa fake documents
कोंढव्यातील पोकळे मळा पारगेनगर येथील सर्वे नंबर ३८/३/२ येथील बेकायदेशीर बांधकामाबाबत पुणे मनपाचे बांधकाम निरीक्षक मयूर इंगळे यांनी कोंढवा पोलीस ठाण्यात तक्रार नोंदविल्यावरून गुरंन. १००१/२४ आरोपी १. अलीम अब्दुल शेख २. मोहतशीम जुनेद शेख व ३. निजाम शेख यांच्या विरुद्ध महाराष्ट्र प्रादेशिक नियोजन नगररचना अधिनियम १९६६- ५२,४३ अन्वये गुन्हा नोंदविण्यात आला होता. kondhwa fake documents
कोट्यवधींचा महसूल बुडवून जागेची खरेदी विक्री ?
कोंढवा खुर्द पारगे नगर येथील सर्वे नंबर ३८/३/२ हि जागा महसूल अधिनियम ६३ अन्वये अहस्तांतरणीय आहे. जागा खरेदी करताना नियमाप्रमाणे महसूल भरणा करून ना हरकत प्रमाणपत्र घेणे क्रम प्राप्त आहे. परंतु कोट्यवधींचा महसूल न भरताच सदर जागेची बनावट कागदपत्रे जोडून विक्री झाल्याची धक्कादायक माहिती सूत्रांकडून मिळत आहे.
पोलिसांकडून दुर्लक्ष ?
दाखल गुन्ह्यात महाराष्ट्र प्रादेशिक नियोजन नगररचना अधिनियमाचा उल्लंघन झालेला आहे. या गुन्ह्यात बनावट कागदपत्रांची पडताळणी होत नसल्याने पोलीस दुर्लक्ष करीत आहेत का असा प्रश्न उद्भवू लागला आहे. बनावट जामीन प्रकरणाचा पर्दाफाश करणारे पोलीस बनावट कागदपत्र रॅकेटचे मोडणार का असा प्रश्न चर्चिला जात आहे.
सदनिका विक्री घेणाऱ्यांची फसवणूक ?
अनधिकृत सदनिका विक्री करताना बनावट कागदपत्रांचा आधार घेण्यात येत असल्याने नागरिकांची मोठ्या प्रमाणावर फसवणूक होत आहे. याबाबत योग्य कारवाई न झाल्यास भविष्यात नागरिकांना नाहक त्रासाला समोरे जावं लागणार आहे.
