Kolhapur ACB Trap : कोल्हापूर अॅन्टी करप्शनचा मोठा सापळा – खाजगी वकिलाला रंगेहात पकडले!

Kolhapur Bribe News : कोल्हापूर शहर हादरवणाऱ्या धडाकेबाज कारवाईत अॅन्टी करप्शन ब्युरोने खाजगी वकील विनायक सुरेश तेजम (वय ३७) याला ₹२५,००० लाच स्वीकारताना थेट पकडले.

प्रकरण काय आहे?

Kolhapur : तक्रारदार यांच्या कोल्हापूर येथील मालमत्तेवरील सत्ता प्रकार कमी करण्याच्या प्रकरणात प्रांत कार्यालय, करवीर येथून आदेश काढून देण्यासाठी वकील तेजम याने “साहेबांना पैसे द्यावे लागतील” असा दम देत आधीच ₹१,६५,००० उचलले.
तरीही प्रकरणाचा अंतिम आदेश मिळवून देण्यासाठी त्याने आणखी ₹२५,००० लाचेची मागणी केली. Kholhapur Latest Bribe News

सापळा आणि रंगेहात पकड

तक्रारदाराने अॅन्टी करप्शन ब्युरोकडे धाव घेतली. पडताळणीत वकील तेजम याची मागणी खरी ठरली.
शाहुपुरीतील मंजुळा अपार्टमेंट परिसरात पंचासमक्ष तेजम याने तक्रारदाराकडून रोख २५ हजार स्वीकारताच पथकाने छापा टाकून त्याला जेरबंद केले.

गुन्हा दाखल प्रक्रिया सुरू
आरोपी विनायक तेजम याच्याविरुद्ध शाहुपुरी पोलिस ठाण्यात भ्रष्टाचार प्रतिबंधक अधिनियम 1988 अन्वये गुन्हा दाखल करण्याची प्रक्रिया सुरू आहे.

कारवाईतील पराक्रमी पथक

ही धडाकेबाज कारवाई पोलीस अधीक्षक शिरीष सरदेशपांडे, अपर पोलीस अधीक्षक अर्जुन भोसले, उपअधीक्षक वैष्णवी पाटील यांच्या मार्गदर्शनाखाली पो.नि. राजेंद्र सानप आणि त्यांच्या टीमने (सुधीर पाटील, सचिन पाटील, संदीप पवार, कृष्णा पाटील, प्रशांत दावणे) यशस्वी केली.

नागरिकांनो, आवाज उठा!

कोणताही सरकारी अधिकारी किंवा त्यांच्या वतीने खाजगी इसम जर लाच मागत असेल, तर लगेच संपर्क साधा:

टोल फ्री: 1800 222 021

हेल्पलाइन: 1064

व्हॉट्सअ‍ॅप: 7875333333

कोल्हापूर कार्यालय: 0231-2540989

संदेश स्पष्ट – लाच मागितल्यास गप्प बसू नका, थेट अॅन्टी करप्शनला कळवा!