Nalasopra Tadipar News : सराईत गुन्हेगार पालघरसह तीन जिल्ह्यातून तडीपार ; मीरा भाईंदर वसई विरार पोलीस आयुक्तालयाच्या परिमंडळ -3 कारवाई
Nalasopra Tadipar News : शहरात कायदा-सुव्यवस्थेचा प्रश्न निर्माण करणाऱ्या सराईत गुन्हेगारांना शहर व जिल्ह्यातून तडीपार केले आहे
नालासोपारा :- राज्यात गुन्हेगारीचे प्रमाण वाढले आहे. Nalasopra Tadipar News राज्यातील वेगवेगळ्या भागातून गुन्हेगारीच्या घटना उघडकीस येत असतात. अशातचं आता एक मोठी बातमी समोर आली आहे. मीरा-भाईंदर वसई विरार पोलीस आयुक्तालयाच्या परिमंडळ -3 कार्यक्षेत्रातील नालासोपारा पोलीस ठाण्याच्या Nalasopra Police Station हद्दीतून कायदा-सुव्यवस्थेचा प्रश्न निर्माण करणाऱ्या एका सराईत गुन्हेगारांना शहर व जिल्ह्यातून तडीपार केले आहे आहे. फिरोज कासिम पौजी (वय 52 वर्ष रा.वाझा मोहल्ला, मशिदी जवळ, सोपारागांव नालासोपारा पश्चिम ता. वसई, जि. पालघर) असे तडीपार करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, फिरोज पौजी याच्या विरोधात नालासोपारा पोलीस ठाण्यात सन 2010 ते 2024 या कालावधीत मारहाण करणे, जीवे ठार मारण्याचा प्रयत्न करणे, धमकी देऊन दहशत निर्माण करणे, गर्दी करून मारामारी करणे, गंभीर मारामारी करणे, प्राण्यांना कुरतेने वागविणे, बेकायदेशीर जनावरांचे वाहतूक करणे तसेच कत्तल करणे असे जवळपास आठ गंभीर गुन्हे दाखल असल्याचे पोलिसांनी सांगितले आहे. पोलिसांनी या प्रकरणी आरोपीला ठाणे, पालघर, मुंबई शहर, मुंबई उपनगर या जिल्ह्यातून दोन वर्षासाठी तडीपार करण्यात आले आहे. मिरा भाईंदर वसई विरार पोलीस आयुक्त मधुकर पाण्डेय यांच्या मार्गदर्शनाखाली पोलीस उप आयुक्त परिमंडळ-3, विरार जयवंत बजबळे यांनी आरोपीला हद्दपारचे आदेश दिले आहे.
