Kalyan Crime News : ऑनलाइन फसवणूक, पाच लाखाहून अधिक आर्थिक फसवणूक

•ऑनलाइन टास्कचा बळी, पाच लाखहून अधिक फसवणूक, महात्मा फुले पोलीस ठाण्यात तक्रार दाखल

कल्याण :- सायबर विभागाकडून सातत्याने ऑनलाइन फसवणुकीबाबत जनजागृती मोठ्या प्रमाणावर केली जात आहे. तरीही काही लोक कळत नकळत ऑनलाइन फसवणुकीचे शिकार होत आहे. अशीच घटना कल्याणच्या संतोषी माता रोड येथे राहणाऱ्या सेवानिवृत्ती राजेंद्र दत्तात्रय सोनावणे (60 वर्ष), यांच्यासोबत घडलेली आहे.

फिर्यादी राजेंद्र सोनवणे, यांना अनोळखी मोबाईलधारक इसमाने टेलिग्राम ॲपमधील 8709 HCL SOFTWARE TASK GROUP या ग्रुपमध्ये ॲड केले. त्यानंतर आरोपी याने फिर्यादी यांना क्रिप्टो करन्सीचे चार टास्क पाठवून ते पुर्ण करणेकरिता एकुण 5 लाख 11 हजार 500 रूपये ही रक्कम त्याचे विविध बँक खातेवर ऑनलाईन ट्रान्सफर करणेस सांगुन ती परत न करता त्यांची आर्थिक फसवणुक केली आहे. प्रकाराबाबत फिर्यादी यांनी दिलेल्या तक्रारीवरुन अज्ञात आरोपींविरुध्द माहिती तंत्रज्ञान अधिनियम सन 2000 चे कलम 66 (ड) प्रमाणे गुन्हा दाखल करण्यात आला आहे. गुन्हयाचा पुढील तपास पोलीस निरीक्षक लांडगे हे करीत आहेत.