JK RDX News :?मोठी दहशतवादी कारवाई उधळली! डॉक्टरच्या खोलीत 300 किलो RDX, AK-47 जप्त

Jammu And Kashmir News : जम्मू-काश्मीर पोलिसांचे फरीदाबादमध्ये धाडसत्र; जैश-ए-मोहम्मदशी कनेक्शन असलेला डॉक्टर ताब्यात; 4 राज्यांत तपासाची व्याप्ती

ANI :- जम्मू आणि काश्मीर पोलिसांनी JK Police एका मोठ्या दहशतवादी कटाचा पर्दाफाश करत हरियाणातील फरीदाबाद शहरात खळबळजनक कारवाई केली आहे. जैश-ए-मोहम्मद (JeM) या दहशतवादी संघटनेशी संबंध असल्याच्या आरोपाखाली अटक केलेल्या एका डॉक्टरच्या माहितीवरून, पोलिसांनी फरीदाबादमधील त्याच्या भाड्याच्या खोलीवर छापा टाकला. या छाप्यात सुमारे 300 किलो आरडीएक्स, एक एके-47 रायफल आणि मोठ्या प्रमाणात दारूगोळा जप्त करण्यात आला आहे. Jammu And Kashmir Latest News

मुजाहिल शकील नावाच्या काश्मिरी डॉक्टरने फरीदाबादमध्ये ही खोली फक्त आपले सामान ठेवण्यासाठी भाड्याने घेतली होती आणि तो तिथे राहत नव्हता, अशी माहिती समोर आली आहे. पोलिसांनी या खोलीतून सुमारे 14 मोठ्या बॅगा जप्त केल्या, ज्यामध्ये 300 किलो आरडीएक्स, एक एके-47 रायफल, 84 काडतुसे आणि स्फोटकांमध्ये वापरली जाणारी रसायने होती.

हा आरोपी डॉक्टर मूळचा उत्तर प्रदेशातील सहारनपूरचा असून, त्याला अनंतनाग येथून अटक करण्यात आली होती. छापेमारीदरम्यान 10 ते 12 वाहने घटनास्थळी दाखल झाली होती. आता आरोपी डॉक्टरला पोलिसांनी ताब्यात घेतले असून, या दहशतवादी नेटवर्कचे तार जम्मू आणि काश्मीर, उत्तर प्रदेश, हरियाणा आणि गुजरात या चार राज्यांशी जोडलेले असल्याने, या व्यापक नेटवर्कची सखोल चौकशी आता सुरू आहे.

या मोठ्या प्रमाणात स्फोटके आणि शस्त्रास्त्रे फरीदाबादपर्यंत कशी पोहोचली, तसेच दहशतवाद्यांचे पुढचे लक्ष्य काय होते, या दिशेने तपास यंत्रणा वेगाने तपास करत आहेत.