•सीआयडी’च्या विशेष पोलिस महानिरीक्षकपदी शशिकांत महावरकर यांची काही दिवसांपूर्वीच बदली झाली होती परंतु त्यांची पुन्हा एकदा बदली झाली असून त्यांच्यावर पोलीस सह आयुक्त, पिंपरी चिंचवड पदाची जबाबदारी देण्यात आली आहे
मुंबई :- लोकसभा निवडणुकीपूर्वी राज्यातील अनेक आयपीएस आणि आयएएस अधिकाऱ्यांची बदली करण्यात आली होती. आता लवकरच विधानसभा निवडणूक होणार आहे. त्यापूर्वी पुन्हा एका कार्यकाळ पूर्ण करणाऱ्या आयपीएस आणि आयएएस अधिकाऱ्यांचे बदलीसत्र सुरू झाले आहे. या बदली प्रक्रियेला गृह विभागाने सुरुवात केली आहे. जुलैच्या सुरुवातीला झालेल्या या बदलीनंतर संबंधित अधिकारी निवडणुकीपूर्वी नव्या ठिकाणी स्थिरावतील अशा हिशोबाने सरकारने बदली आदेश काढले आहेत. परंतु जुलै महिन्याच्या पहिल्या आठवड्यात काढलेल्या बदल्यांमध्ये पुन्हा एकदा सरकारने फेरबदल करून काही अधिकाऱ्यांच्या बदलीचे फेरबदल केले आहे.महानिरीक्षक शशिकांत महावरकर यांची पुणे येथील राज्य गुन्हे अन्वेषण (सीआयडी) विभागाच्या विशेष पोलिस महानिरीक्षकपदी नियुक्ती करण्यात आली आहे. परंतु आता त्यांची बदली पोलीस सह आयुक्त, पिंपरी चिंचवड करण्यात आली आहे.
अधिकाऱ्याचे नाव – सध्याचे पदभार – नवीन नियुक्तीचे ठिकाण
1.सुहास वारके – विशेष पोलीस महानिरीक्षक, महिला व बाल अत्याचार प्रतिबंधक विभाग, महाराष्ट्र राज्य, मुंबई – विशेष पोलीस महानिरीक्षक, नागरी हक्क संरक्षण, महाराष्ट्र राज्य, मुंबई.
2.अश्वती दोरजे – विशेष पोलीस महानिरीक्षक, नागरी हक्क संरक्षण, महाराष्ट्र राज्य, मुंबई – विशेष पोलीस महानिरीक्षक, महिला व बाल अत्याचार प्रतिबंधक विभाग, महाराष्ट्र राज्य, मुंबई.
3.शशिकांत महावरकर – विशेष पोलीस महानिरीक्षक, गुन्हे अन्वेषण विभाग, महाराष्ट्र राज्य, पुणे – पोलीस सह आयुक्त, पिंपरी चिंचवड
4.एस.जी. दिवाण – पोलीस उप महानिरीक्षक, पोलीस दळणवळण, माहिती तंत्रज्ञान, महाराष्ट्र राज्य, पुणे.- पोलीस उप महानिरीक्षक, लाचलुचपत प्रतिबंधक विभाग, महाराष्ट्र राज्य, मुंबई.
