IPL 2025 Wins RCB : 18 वर्षांची प्रतीक्षा संपली: अखेर RCB चॅम्पियन!

विराट कोहलीच्या अश्रूंनी सजला विजयाचा क्षण

RCB Win Final IPL 2025 :- आयपीएलच्या इतिहासात तब्बल 18 वर्षांच्या प्रदीर्घ प्रतीक्षेनंतर रॉयल चॅलेंजर्स बंगळुरू (RCB) नं अखेर ‘विजेते’ ही ओळख मिळवली आहे. मंगळवारी रात्री नरेंद्र मोदी स्टेडियमवर झालेल्या अंतिम सामन्यात RCB पंजाब किंग्जचा 6 धावांनी पराभव करत आयपीएल 2025 चं विजेतेपद पटकावलं. या ऐतिहासिक क्षणी विराट कोहलीच्या डोळ्यातून अनावर अश्रू वाहू लागले — आणि अख्खं मैदान “विराटमय” झालं!

कोहलीसाठी जिद्दीची झुंज
“हा ट्रॉफी कोहलीसाठीच!” — RCB च्या खेळाडूंनी हे शब्द मनात ठसवून अखेर ती स्वप्नपूर्ती केली. पहिल्यांदाच आयपीएल विजेतेपदासाठी खेळणाऱ्या दोन्ही संघांमध्ये काट्याचा सामना झाला. प्रथम फलंदाजी करत RCB 190 धावा केल्या. शेवटच्या षटकांत पंजाबच्या गोलंदाजांनी दमदार पुनरागमन केलं, पण ते अपुरं ठरलं.

पंजाबची झुंज थोडक्यात हुलकावणी

लक्ष्याचा पाठलाग करताना पंजाबनं जोरदार सुरुवात केली. पण Josh Hazlewood च्या अचूक माऱ्यामुळे पंजाबची गाडी घसरू लागली. तरीही शेवटच्या षटकापर्यंत सामना रंगतदार राहिला. शेवटच्या सहा चेंडूंमध्ये 29 धावांची गरज होती, शशांकनं धमाकेदार प्रयत्न केले, पण अखेर विजय RCB चाच ठरला.

या विजयानंतर RCB च्या ताफ्यात अनेक वैयक्तिक आणि संघ पुरस्कारही जमा झाले. क्रुणाल पांड्या अंतिम सामन्याचा सर्वोत्तम खेळाडू ठरला, तर साई सुदर्शननं संपूर्ण हंगामावर आपली छाप सोडत ऑरेंज कॅपसह अनेक सन्मान पटकावले.