IPL 2024 : कोलकाताने हैदराबादला हरवून अंतिम फेरी गाठली, स्टार्कच्या कहरानंतर श्रेयस-व्यंकटेश यांनी नाबाद अर्धशतके ठोकले.

•आयपीएल 2024 च्या पहिल्या क्वालिफायरमध्ये कोलकाता नाईट रायडर्सने सनरायझर्स हैदराबादचा 8 गडी राखून पराभव केला. यासह कोलकाताने अंतिम फेरीत धडक मारली आहे.

IPL :- आयपीएल 2024 च्या पहिल्या क्वालिफायर सामन्यात कोलकाता नाईट रायडर्सने सनरायझर्स हैदराबादचा 8 गडी राखून पराभव केला आहे. केकेआरने छोट्या भागीदारी केल्या आणि शेवटी, व्यंकटेश अय्यर आणि श्रेयस अय्यर यांच्या 97 धावांच्या भागीदारीच्या जोरावर त्यांनी क्वालिफायर सामना जिंकला आणि आयपीएल 2024 च्या अंतिम फेरीत प्रवेश केला. SRH प्रथम खेळताना 159 धावांवर रोखला गेला. राहुल त्रिपाठीने संघासाठी 55 धावांची महत्त्वपूर्ण खेळी केली.पॅट कमिन्सनेही शेवटच्या षटकांमध्ये 30 धावांचे योगदान दिले. लक्ष्याचा पाठलाग करण्यासाठी कोलकाता मैदानात उतरला तेव्हा यावेळी फिल सॉल्ट सलामी देत नव्हता आणि त्याच्या जागी रहमानउल्ला गुरबाजने सुनील नरेनसह सलामी दिली. गुरबाज आणि नरेन यांच्यातील 44 धावांच्या सलामीच्या भागीदारीने कोलकाताला चांगली सुरुवात करून दिली आणि उर्वरित काम व्यंकटेश अय्यर आणि श्रेयस अय्यरच्या खेळीने केले.

160 धावांच्या लक्ष्याचा पाठलाग करताना सुनील नरेन आणि रहमानउल्ला गुरबाज यांनी केकेआरला दमदार सुरुवात करून दिली. दरम्यान, चौथ्या षटकात गुरबाज 14 चेंडूत 23 धावा काढून बाद झाला. या दमदार सुरुवातीच्या जोरावर कोलकाता नाईट रायडर्सने पॉवरप्ले षटकांत 1 गडी गमावून 63 धावा केल्या होत्या. पॉवरप्ले संपल्यानंतरही केकेआरचा रनरेट कमी झाला नाही. 10 षटकांच्या अखेरीस कोलकाताने 2 गडी गमावून 107 धावा केल्या होत्या आणि संघाला विजयासाठी 60 चेंडूत 53 धावा करायच्या होत्या.दरम्यान, व्यंकटेश अय्यरने 28 चेंडूत अर्धशतक पूर्ण केले, तर कर्णधार श्रेयस अय्यरने 23 चेंडूत अर्धशतक पूर्ण केले. व्यंकटेश अय्यर आणि श्रेयस यांच्यातील 97 धावांच्या नाबाद भागीदारीमुळे कोलकाता नाईट रायडर्सचा 8 गडी राखून विजय निश्चित झाला.