Indian Cricketer :बेकायदेशीर बेटिंग प्रकरणात ईडीची मोठी कारवाई!

ED Take Action On Suresh Raina And Sekhar Dawhan : सुरेश रैना आणि शिखर धवन यांच्या 11.14 कोटी रुपयांच्या मालमत्ता जप्त; PMLA अंतर्गत कारवाई

ANI :- बेकायदेशीर ऑनलाइन बेटिंग साइट्सशी संबंधित मनी लॉन्ड्रिंग प्रकरणात अंमलबजावणी संचालनालयाने (ED) मोठी कारवाई केली आहे. ईडीने माजी क्रिकेटपटू सुरेश रैना आणि शिखर धवन यांच्या एकूण 11.14 कोटी रुपयांच्या मालमत्तेवर जप्तीची कारवाई केली आहे.

गुरुवारी जारी करण्यात आलेल्या प्राथमिक आदेशानुसार, प्रतिबंधक मनी लॉन्ड्रिंग कायदा (PMLA) अंतर्गत ही कारवाई करण्यात आली आहे.

कोणाची किती मालमत्ता जप्त?

शिखर धवन: यांची 4.5 कोटी रुपयांची स्थावर मालमत्ता जप्त.

सुरेश रैना: यांचे 6.64 कोटी रुपयांचे म्युच्युअल फंड जप्त.

ईडीचा आरोप

ईडीच्या तपासानुसार, दोन्ही माजी क्रिकेटपटूंनी “जाणूनबुजून” परदेशी कंपन्यांशी करार केले. त्यांनी 1xBet आणि त्याच्याशी संबंधित अन्य बेटिंग साइट्सच्या जाहिराती केल्या होत्या, ज्यामुळे ही मनी लॉन्ड्रिंग प्रतिबंधक कायद्याअंतर्गत कारवाई करण्यात आली आहे.

माजी क्रिकेटपटूंवर झालेली ही कारवाई ऑनलाइन बेटिंग आणि जाहिरात उद्योगासाठी एक मोठा इशारा मानली जात आहे.