India Mini Election : बिहारसोबतच ‘मिनी इलेक्शन’! सात राज्यांतील पोटनिवडणुकांचे ताजे कल

India Mini Election Update : झारखंड, पंजाब, ओडिशा, मिझोरममध्ये प्रमुख पक्षांमध्ये चुरस; राजस्थानमध्ये भाजप पिछाडीवर

ANI :- बिहार विधानसभा निवडणुकीच्या Bihar Election निकालांसोबतच आज देशभरातील सात राज्ये आणि एका केंद्रशासित प्रदेशातील आठ विधानसभा जागांसाठी झालेल्या पोटनिवडणुकांचे निकालही जाहीर होत आहेत. 11 नोव्हेंबर रोजी मतदान झालेल्या या जागांवर अनेक ठिकाणी चुरशीची लढत पाहायला मिळत आहे. India Latest Election Update

झारखंडमधील घाटसिला विधानसभा मतदारसंघात झारखंड मुक्ती मोर्चाचे (JMM) सोमेश चंद्र सोरेन आघाडीवर आहेत, तर पंजाबच्या तरणतारन जागेवर सुरुवातीला पिछाडीवर राहिल्यानंतर आम आदमी पक्षाचे (AAP) हरमीत सिंग संधू यांनी मोठी आघाडी घेतली आहे. तरणतारनमध्ये 10 फेऱ्यांनंतर संधू 7,294 मतांनी पुढे आहेत. राजस्थानमधील अंता मतदारसंघात काँग्रेसचे प्रमोद जैन “भया” आघाडीवर आहेत, तर सत्ताधारी भाजप तिसऱ्या स्थानावर आहे.

ओडिशातील नुआपाडा विधानसभा मतदारसंघात भाजपचे जय ढोलकिया सुरुवातीच्या कलांमध्ये आघाडीवर असल्याचे दिसून येते, तर तेलंगणामधील ज्युबली हिल्स विधानसभा मतदारसंघातून काँग्रेसचे नवीन यादव आघाडीवर आहेत. दरम्यान, मिझोरममधील दाम्पा जागेचा निकाल लागला असून, येथे एमएनएफ (MNF) उमेदवाराने झोरम पीपल्स मूव्हमेंटच्या वनलाल सैलोवा यांचा 562 मतांच्या जवळच्या फरकाने पराभव करत विजय मिळवला आहे. जम्मू आणि काश्मीरमधील दोन जागांच्या पोटनिवडणुकांचे अधिकृत कल येणे अद्याप बाकी आहे.