Guillain-Barré syndrome : गुइलेन-बॅरे सिंड्रोमचा कहर! जीबीएसमुळे आतापर्यंत दोन मृत्यू, 127 सक्रिय रुग्ण

Guillain-Barré syndrome  Latest News : गुइलेन बॅरे सिंड्रोम’ची प्रकरणे सातत्याने समोर येत आहेत. बुधवारी देखील 16 नवीन प्रकरणांची पुष्टी झाली. अशा प्रकारे, राज्यात एकूण 127 संशयित GBS रुग्ण आहेत. याशिवाय पुण्यातील एका महिलेचा या आजाराने मृत्यू होण्याची शक्यता आहे. या आजाराचा कहर इतका आहे की 20 हून अधिक रुग्ण व्हेंटिलेटरवर आहेत.

पुणे :- ‘गुइलेन बॅरे सिंड्रोम’ची प्रकरणे सातत्याने वाढत आहेत. Guillain-Barré syndrome या प्रकरणांमुळे सामान्य लोकच नव्हे तर प्रशासनही चिंतेत आहे, बुधवारी एका महिलेचा ‘गुइलेन-बॅरे सिंड्रोम’ (जीबीएस)मुळे संशयास्पद मृत्यू झाला आहे. तर गुइलेन बॅरे सिंड्रोमच्या 16 नवीन रुग्णांची नोंद झाली आहे. या आजारामुळे आतापर्यंत दोन जणांचा मृत्यू झाला आहे.

आरोग्य विभागाच्या अधिकाऱ्याने सांगितले की, पुण्यातील 56 वर्षीय महिलेचा शासकीय ससून सामान्य रुग्णालयात जीबीएसमुळे मृत्यू झाला. याशिवाय महिलेला इतरही अनेक आजार होते. आरोग्य विभागाच्या माहितीनुसार, आतापर्यंत या आजाराचे एकूण 127 रुग्ण आढळून आले आहेत. याशिवाय आणखी एका रुग्णाचा या आजारामुळे मृत्यू झाल्याचा संशय आहे.

अधिकाऱ्यांनी सांगितले की, आतापर्यंत 72 जणांमध्ये या आजाराची पुष्टी झाली आहे. ज्यांच्यावर उपचार सुरू आहेत त्यांच्याशिवाय अनेक लोक गंभीर आजारी आहेत. त्यापैकी 20 रुग्णांना व्हेंटिलेटरवर ठेवण्यात आले आहे.आतापर्यंत, 121 स्टूलचे नमुने नॅशनल इन्स्टिट्यूट ऑफ व्हायरोलॉजी (NIV) कडे पाठवण्यात आले आहेत आणि त्या सर्वांची ‘एंटेरिक व्हायरस पॅनल’साठी चाचणी करण्यात आली आहे.

21 नमुन्यांमध्ये नोरोव्हायरसची पुष्टी झाली, तर पाच स्टूल नमुन्यांमध्ये कॅम्पिलोबॅक्टरची पुष्टी झाली, असे प्रकाशनात म्हटले आहे. एकूण 200 रक्ताचे नमुने एनआयव्हीकडे पाठवण्यात आले आहेत. कोणत्याही नमुन्यात झिका, डेंग्यू, चिकनगुनियाची पुष्टी झालेली नाही.