Ghatkopar Breaking News : घाटकोपर हादरले! सराफाच्या दुकानात दिवसाढवळ्या सशस्त्र दरोडा; मालकावर चाकूने हल्ला करून लाखोचे दागिने लुटले

Ghatkopar Latest Crime News : आरोपींच्या हल्ल्यात दुकान मालक दर्शन मेटकरी गंभीर जखमी; खासगी रुग्णालयात उपचार सुरू ; घाटकोपर पोलिसांकडून आरोपींच्या शोधासाठी 6 पथके तैनात; परिसरात खळबळ

मुंबई (घाटकोपर) :- मुंबईतील घाटकोपर परिसरामध्ये आज (बुधवारी) सकाळी दिवसाढवळ्या एका सराफाच्या दुकानात सशस्त्र दरोडा टाकण्यात आला. गोळीबार रोड परिसरातील ‘दर्शन ज्वेलर्स’ या दुकानात घुसलेल्या तिघांनी दुकान मालकावर चाकूने हल्ला करून दुकानातील सोन्याचे दागिने लुटून पोबारा केला. या घटनेमुळे संपूर्ण घाटकोपर परिसरात खळबळ उडाली आहे. Ghatkopar Amrut Nagar Latest News

बुधवारी सकाळी 10.30 च्या सुमारास ही घटना घडली. दुकान मालक दर्शन मेटकरी यांनी नेहमीप्रमाणे सकाळी 10 वाजता दुकान उघडले होते. त्यानंतर काही वेळातच दुचाकीवरून आलेल्या तीन अनोळखी आरोपींनी त्यांच्या दुकानात प्रवेश केला.

आरोपींनी दुकानात येताच दर्शन मेटकरी यांना चाकूचा धाक दाखवून सोन्याचे दागिने लुटण्याचा प्रयत्न केला. मात्र, मेटकरी यांनी या दरोड्याला धैर्याने विरोध केला. मालकाकडून विरोध होताच आरोपींनी त्यांच्यावर चाकूने गंभीर हल्ला केला. या हल्ल्यात दर्शन मेटकरी Darshan Metkari Jewellery Shop गंभीर जखमी झाले. Ghatkopar Breaking News

हल्ला केल्यानंतर आरोपींनी दुकानातील सोन्याचे दागिने लुटले आणि तत्काळ घटनास्थळावरून पळून गेले. घटनेची माहिती मिळताच घाटकोपर पोलिसांनी तातडीने घटनास्थळी धाव घेतली. जखमी दर्शन मेटकरी यांना उपचारासाठी एका खासगी रुग्णालयात दाखल करण्यात आले आहे, जिथे त्यांच्यावर उपचार सुरू आहेत.

घाटकोपर पोलिसांनी याप्रकरणी गुन्हा दाखल केला असून, आरोपींचा शोध घेण्यासाठी सहा विशेष पथके तैनात केली आहेत. भर दिवसा घडलेल्या या घटनेमुळे परिसरातील सुरक्षिततेवर प्रश्नचिन्ह उभे राहिले असून, पोलीस आरोपींचा कसून शोध घेत आहेत. Ghatkopar Police Latest News