Eknath Shinde : ठाण्यात आज ‘शक्तीप्रदर्शन’! एकनाथ शिंदेंचा झंझावाती प्रचार दौरा; ‘या’ मार्गांवर वाहतूक कोंडीची शक्यता

Eknath Shinde Prachar: चेंदणी कोळीवाडा ते मनोरमानगर असा असेल मार्ग; सायंकाळी कामावरून घरी परतणाऱ्या ठाणेकरांना बसणार फटका

ठाणे | ठाणे महानगरपालिका निवडणुकीसाठी TMC Election उमेदवारांच्या नावांची घोषणा झाल्यानंतर आता प्रत्यक्ष प्रचाराला वेग आला आहे. उपमुख्यमंत्री एकनाथ शिंदे यांचा प्रचार दौरा आज सायंकाळी 5 वाजता सुरू होत असून, शिंदे गटाकडून मोठे शक्तीप्रदर्शन केले जाणार आहे. या दौऱ्यात गाड्यांचा मोठा ताफा आणि कार्यकर्त्यांची गर्दी असणार असल्याने ठाणेकरांनी प्रवासाचे नियोजन जपून करावे, असे आवाहन करण्यात येत आहे.

प्रचार दौऱ्याचा सविस्तर मार्ग

हा दौरा सायंकाळी 5.00 वाजता सुरू होईल आणि रात्री उशिरापर्यंत सुरू राहण्याची शक्यता आहे.

सुरुवात: चेंदणी कोळीवाडा (राघोबा शंकर रोड)

टेंभी नाका

चंदनवाडी

सिद्धेश्वर तलाव

ज्ञानेश्वर नगर (शंकर मंदिर चौक)

लोकमान्य नगर डेपो

भीमनगर

वर्तकनगर

मानपाडा

समाप्ती: मनोरमानगर

वाहतुकीवर होणारा परिणाम

नोकरदार वर्गाला फटका: सायंकाळी 5 नंतर बहुतांश नोकरदार वर्ग मुंबई आणि इतर ठिकाणांहून ठाण्यात परतत असतो. प्रचार दौऱ्याचा मार्ग मुख्य चौकांमधून जात असल्याने प्रवाशांना मोठ्या कोंडीचा सामना करावा लागू शकतो.

शक्तीप्रदर्शन: शिंदे गटाचे सर्व उमेदवार आणि पदाधिकारी या दौऱ्यात सहभागी होणार असल्याने वाहनांची संख्या मोठी असेल.

पर्यायी मार्गांचा वापर: सिद्धेश्वर तलाव, लोकमान्य नगर आणि मानपाडा यांसारख्या वर्दळीच्या ठिकाणांहून दौरा जाणार असल्याने शक्य असल्यास ठाणेकरांनी या वेळेत पर्यायी मार्गांचा अवलंब करावा.

निवडणुकीचे अपडेट्स

मतदान: 15 जानेवारी 2026

निकाल: 16 जानेवारी 2026

ठाणे महापालिकेत शिवसेना (शिंदे गट) 87 जागांवर, तर भाजप 40 जागांवर निवडणूक लढवत आहे. ठाण्यात आधीच शिवसेनेचे 3 उमेदवार बिनविरोध निवडून आले असून पक्षाने आपले खाते उघडले आहे.