Eknath Shinde : शरद पवार यांनी उपमुख्यमंत्री एकनाथ शिंदे यांचा गौरव केला, त्यामुळे एकनाथ शिंदे यांना हा पुरस्कार मिळाला

Maharashtra Political Latest Update : पुण्याच्या सरहद संस्थेतर्फे एकनाथ शिंदे यांना हा पुरस्कार प्रदान करण्यात आला. हा पुरस्कार त्यांना अखिल भारतीय मराठी साहित्य संमेलनाचे अध्यक्ष शरद पवार यांच्या हस्ते त्यांच्या हस्ते प्रदान करण्यात आला.

दिल्ली :- महाराष्ट्रातील 18 व्या अखिल भारतीय मराठी साहित्य संमेलनात महाराष्ट्राचे उपमुख्यमंत्री एकनाथ शिंदे Eknath Shinde यांना महादजी शिंदे राष्ट्रीय गौरव पुरस्काराने सन्मानित करण्यात आले.माजी मुख्यमंत्री आणि विद्यमान उपमुख्यमंत्री एकनाथ शिंदे यांनी त्यांच्या मुख्यमंत्रिपदाच्या कार्यकाळात केलेल्या कामासाठी हा पुरस्कार मिळाला आहे.

पुण्याच्या सरहद संस्थेतर्फे एकनाथ शिंदे यांना हा पुरस्कार प्रदान करण्यात आला. हा पुरस्कार शिवसेना मुख्य नेते असलेले एकनाथ शिंदे यांचा राष्ट्रवादीचे (एसपी) अध्यक्ष आणि 98व्या अखिल भारतीय मराठी साहित्य संमेलनाचे अध्यक्ष शरद पवार यांच्या हस्ते त्यांच्या हस्ते प्रदान करण्यात आला. दिल्लीतील महाराष्ट्र सदनात हा सोहळा पार पडला.

महादजी शिंदे राष्ट्रीय गौरव पुरस्कारामध्ये सन्मानचिन्ह, स्मृतीचिन्ह आणि पारंपरिक शिंदेशाही पगडी आणि 5 लाख रुपये आहे.पुण्याच्या सरहद संस्थेने आयोजित केलेल्या या अखिल भारतीय मराठी साहित्य संमेलनात समाजाच्या विविध क्षेत्रात महत्त्वपूर्ण योगदान देणाऱ्या अन्य काही मान्यवरांचाही गौरव करण्यात आला.

एकनाथ शिंदे काय म्हणाले?

महापराक्रमी महादजी शिंदे यांच्या नावाचा पुरस्कार असून या सन्मानापेक्षा हा पुरस्कार मिळाल्यामुळे येणारी जबाबदारीची जाणीव मला आहे असे यासमयी नमूद केले. शरद पवार यांच्या सारख्या ज्येष्ठ आणि जाणत्या नेत्यांच्या हस्ते हा पुरस्कार मिळणे ही गौरवाची बाब आहे. पवार साहेबांची राजकारणातील गुगलीही कळत नाही, मात्र शरद पवार यांनी आपल्यासोबत चांगले संबध आहेत, त्यामुळे ते मला भविष्यकाळात कधीही गुगली टाकणार नाहीत असे मत यावेळी व्यक्त केले.

पानिपतानंतर अवघ्या 10 वर्षात महादजी शिंदे यांनी दिल्लीत भगवा फडकवला. महादजी शिंदेंमुळे ब्रिटिशांना भारतात सत्ता काबीज करण्यासाठी तब्बल 50 वर्षे वाट पहावी लागली. त्यामुळेच इंग्रजांनी त्यांना ‘दी ग्रेट मराठा’ ही पदवी दिली होती असे यासमयी नमूद केले.
रणांगणात कामिगिरी फत्ते करणाऱ्या मावळ्यांना सोन्याचे सलकडं देण्याची इतिहासात प्रथा होती. माझ्यासाठी हा पुरस्कार म्हणजे सोन्याचे सलकडंच असल्याची भावना याप्रसंगी व्यक्त केली.

माझ्या मराठी मातीचे केलेले कौतुक असून माझ्यासोबत अहोरात्र कष्ट करणाऱ्या लाखो कार्यकर्त्यांचा, लाडक्या बहिणींचा आणि लाडक्या भावांचा हा सन्मान आहे. पंतप्रधान नरेंद्र मोदी आणि गृहमंत्री अमित शाह आपल्या पाठीशी पहाडासारखे उभे राहिले म्हणून महाराष्ट्रात गेल्या अडीच वर्षात प्रचंड काम करता आले. महादजी शिंदे यांच्या कार्यकर्तृत्वाचा समावेश शालेय अभ्यासक्रमात करण्यात येईल, तसेच कणेरखेड येथे महादजी शिंदे यांच्या राष्ट्रीय स्मारकाबाबत राज्य सरकार नक्की विचार करेल, अशी ग्वाही उपमुख्यमंत्री एकनाथ शिंदे यांनी दिली आहे.