•Dombivli Crime News पत्नीच्या चारित्र्यावर संशय घेणाऱ्या पतीला विष्णुनगर पोलिसांनी केले अटक, मुलाने वडिलांच्या विरोधात तक्रार
डोंबिवली :- चारित्र्याच्या संशयावरून पत्नीवर प्राणघातक हल्ला करणारा पती गजाआड करण्यात आला आहे. चारित्र्याचे संशयावरून पतीने पत्नीच्या गळ्यावर ब्लेडने वार करून प्राणघातक हल्ला करून जीवेठार मारण्याचा प्रयत्न केला होता. मुलाने वडिलांच्या विरोधात तक्रार देत विष्णूनगर पोलीस ठाण्यात फिर्यादी दाखल केली आहे.
चारित्र्याच्या संशयावरून पत्नीवर ब्लेडने प्राणघातक हाल्ला
खुनाचा प्रयत्न करणाऱ्या पतीला विष्णूनगर पोलिसांनी अटक केली आहे. सचिन देव कोलते (53 वर्ष) हे आपल्या कुटुंबासह कैलास नगर डोंबिवली पूर्व येथे राहत होते. पत्नीच्या चारित्र्यावर वेळोवेळी संशय घेऊन मारहाण करत होता. रागाच्या भरात पतीने ब्लेडने पत्नीच्या मानेवर वार करून तिला जिवेठार मारण्याचा प्रयत्न केला. या घटनेनंतर जखमी महिलेला रुग्णालयात दाखल करण्यात आले असून तिच्यावर उपचार चालू आहे. तसेच मुलाने दिलेल्या तक्रारीवरून पती सचिन याला विष्णुनगर पोलिसांनी अटक केली आहे. त्याच्यावर भारतीय न्यायसंहिता कलम 109 (1),115 (2),352 प्रमाणे गुन्हा दाखल करण्यात आला आहे. आरोपीच्या गुन्ह्याचा पुढील तपास पोलीस उपनिरीक्षक कुमटकर हे करीत आहे.
