Dhruv Rathee : यूट्यूबर ध्रुव राठीला कोर्टाने पाठवले समन्स? काय प्रकरण आहे

Delhi court summons Dhruv Rathee : भाजप नेते सुरेश नखुआ यांनी न्यायालयात दाखल केलेल्या याचिकेत दावा केला आहे की, YouTuber ध्रुव राठीने त्यांच्या चॅनलवरील व्हिडिओमध्ये त्यांना “हिंसक आणि अपमानास्पद” ट्रोल म्हटले होते.

ANI :- भारतीय जनता पक्षाचे नेते सुरेश नखुआ यांनी दाखल केलेल्या मानहानीच्या खटल्यात प्रसिद्ध यूट्यूबर ध्रुव राठी यांना दिल्ली न्यायालयाने समन्स बजावले आहे. भाजप मुंबई युनिटचे प्रवक्ते सुरेश नखुआ यांनी याचिकेत दावा केला आहे की राठी यांनी Dhruv Rathee त्यांच्या यूट्यूब चॅनेलवर अपलोड केलेल्या व्हिडिओमध्ये त्यांना “हिंसक आणि अपमानास्पद” ट्रोल म्हटले होते.

या मुद्द्यावर झालेल्या सुनावणीनंतर साकेत न्यायालयाचे जिल्हा न्यायाधीश गुंजन गुप्ता यांनी 19 जुलै 2024 रोजी YouTuber ध्रुव राठी यांना समन्स बजावण्याचे आदेश जारी केले. अंतरिम दिलासा प्रकरणी नखुआच्या याचिकेवर साकेत न्यायालयाने ध्रुव राठी यांनाही नोटीस बजावली आहे. आता या प्रकरणाची पुढील सुनावणी 6 ऑगस्ट रोजी होणार आहे.

राठी यांचे दावे निराधार आहेत

भाजप नेते सुरेश नखुआ यांनी ध्रुव राठी यांनी एका व्हिडीओमध्ये ‘धाडसी आणि निराधार दावे’ केल्याचा आरोप केला आहे. हे आरोप बिनबुडाचे असले तरी ते त्यांच्या प्रतिष्ठेला हानी पोहोचवणारे आहेत. या माध्यमातून राठी यांनी आपल्या कष्टाने कमावलेली प्रतिष्ठा समाजात डागाळण्याचा प्रयत्न केला आहे. त्यातून लोकांमध्ये संशय आणि अविश्वासाची बीजे पेरली गेली आहेत, ज्याचे दूरगामी परिणाम होऊ शकतात. अशा खोट्या आरोपांचे परिणाम अनेक पटींनी होतात, व्हिडिओच्या व्याप्तीच्या पलीकडे पोहोचतात आणि वैयक्तिक आणि व्यावसायिक दोन्ही क्षेत्रांवर परिणाम करतात.

काय प्रकरण आहे?

यूट्यूबर ध्रुव राठी याने 7 जुलै 2024 रोजी त्याच्या यूट्यूब चॅनलवर एक व्हिडिओ अपलोड केला होता. व्हिडिओमध्ये त्यांनी भाजप नेत्याला ‘हिंसक आणि अपमानास्पद’ ट्रोल म्हटले आहे. भाजप नेते सुरेश नखुआ यांनी हा व्हिडिओ आपल्या प्रतिष्ठेला हानी पोहोचवणारा असल्याचा आरोप करत दिल्लीच्या साकेत न्यायालयात याचिका दाखल केली होती. आता याप्रकरणी दिल्ली न्यायालयाने ध्रुव राठीला नोटीस बजावली आहे.