Devendra Fadnavis Banner : भाजप नेते देवेंद्र फडणवीस यांच्या घरावर ‘सदैव मुख्यमंत्री’ असा बॅनर लावण्यात आला आहे. नाशिक जिल्ह्यातील कैलास ढाकणे यांनी हा बॅनर लावला आहे.
मुंबई :- महायुतीच्या विजयानंतर आता नव्या मुख्यमंत्र्यांच्या नावाबाबत महायुतीमध्ये संभ्रम निर्माण झाला आहे. दरम्यान, भाजप नेते देवेंद्र फडणवीस Devendra Fadnavis यांच्या घराबाहेर पोस्टर लावण्यात आले असून, तो चर्चेचा विषय ठरला आहे.देवेंद्र फडणवीस यांच्या सागर बंगल्याबाहेर एक बॅनर लावण्यात आला असून त्यावर ‘सदैव मुख्यमंत्री’ असे लिहिले आहे. हे बॅनर नाशिक जिल्ह्यातील कैलास ढाकणे यांनी लावल्याचे सांगण्यात येत आहे.
उपमुख्यमंत्री देवेंद्र फडणवीस यांनी मंगळवारी (27 नोव्हेंबर) सांगितले की, महायुतीमध्ये कधीही एकमेकांबद्दल मतभेद नव्हते. आम्ही नेहमीच एकत्र बसून निर्णय घेतले आहेत. निवडणुकीच्या वेळीही निकालानंतर एकत्र बसून निर्णय घेऊ, असे सांगितले होते.एकनाथ शिंदे यांनी काही लोकांच्या मनातल्या सर्व शंका दूर केल्या आहेत. लवकरच नेत्यांसोबत बसून योग्य तो निर्णय घेऊ.महाराष्ट्रात नवे सरकार कधी स्थापन होणार असे विचारले असता देवेंद्र फडणवीस म्हणाले होते की, आपण काही काळ वाट पाहू. याबाबत लवकरच निर्णय घेतला जाईल.
एनडीएचा मित्रपक्ष असलेल्या रिपब्लिकन पार्टी ऑफ इंडिया (आठवले) प्रमुख आणि केंद्रीय मंत्री रामदास आठवले यांनी महाराष्ट्राच्या मुख्यमंत्रीपदासाठी देवेंद्र फडणवीस यांच्या नावाला पाठिंबा दिला आहे. भाजप नेत्याला पुन्हा मुख्यमंत्रीपदी संधी द्यावी, अशी मागणी त्यांनी केली होती.
