Dehradun News : उत्तराखंडमधील चमोली येथे प्रचंड हिमस्खलन झाले. ज्यामध्ये महामार्ग बांधणीच्या कामात गुंतलेले 57 मजूर गाडले गेले. या दुर्घटनेनंतर मोठ्या प्रमाणावर बचावकार्य राबविण्यात आले.
ANI :- अपघातानंतर प्रशासनाकडून तातडीने बचावकार्य सुरू करण्यात आले. 24 तासांच्या बचाव मोहिमेत 47 मजुरांना वाचवण्यात यश आले असून 8 जणांचा शोध सुरू आहे.अपघातानंतर बचावकार्य सुरू करण्यात आले. सुरुवातीला बीआरओ आणि आयटीबीपीच्या जवानांनी लोकांना वाचवले.
शनिवारी सकाळी चमोलीत हवामान स्वच्छ झाल्यानंतर मदतकार्याला वेग आला आहे. आयटीबीपी, एसडीआरएफच्या पथकांनी मजुरांचा शोध सुरू केला.शुक्रवारी खराब हवामानामुळे बचावकार्यात अनेक अडचणी आल्या.सतत बर्फवृष्टी आणि खराब हवामानामुळे बचाव पथकांना घटनास्थळी पोहोचण्यात अडचणी येत होत्या.
बचाव पथक दोरीच्या साहाय्याने 7-7 फूट बर्फाखाली कसे तरी घटनास्थळी पोहोचले आणि बचाव कार्य सुरू करण्यात आले.मुसळधार बर्फवृष्टीमुळे कामगारांना या भागात पोहोचण्यात खूप अडचणी आल्या.
या अपघातात 2-3 जणांच्या डोक्याला गंभीर दुखापत झाली असून त्यांना उपचारासाठी रुग्णालयात पाठवण्यात आले आहे.कामगारांना बाहेर काढल्यानंतर त्यांना तातडीने हेलिकॉप्टरने आणण्यात आलेपीएम मोदींनी सीएम पुष्कर सिंह धामी यांच्याशी फोनवर बोलून संपूर्ण बचाव कार्याची माहिती घेतली.
