CM Devendra Fadnavis : मुख्यमंत्री देवेंद्र फडणवीस यांनी एकनाथ शिंदेंना दिला आणखी एक झटका, अजय आशर यांची मित्र संस्थेतून हकालपट्टी

CM Devendra Fadnavis On Eknath Shinde : सध्या मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात शीतयुद्ध सुरू आहे. याचे कारण म्हणजे मुख्यमंत्री फडणवीस यांनी घेतलेले निर्णय.

मुंबई :- सरकारने NITI आयोगाच्या धर्तीवर महाराष्ट्र माहिती आणि परिवर्तन (मित्र) संस्थेची स्थापना केली आहे. तत्कालीन मुख्यमंत्री एकनाथ शिंदे Eknath Shinde यांनी या संस्थेच्या उपाध्यक्षपदी बिल्डर अजय आशर Builder Ajay Ashar यांची नियुक्ती केली होती.मात्र आता मुख्यमंत्री देवेंद्र फडणवीस Devendra Fadnavis यांनी मोठा निर्णय घेत अजय आशर यांना मित्राच्या नियमित मंडळातून हटवले आहे.

अजय आशर हे ठाण्यातील आघाडीचे बांधकाम व्यावसायिक असून किसननगर परिसरातील अनेक बांधकाम प्रकल्पांशी त्यांचा संबंध आहे. हा परिसर एकनाथ शिंदे यांच्या प्रभावशाली विधानसभा मतदारसंघात येतो. आशर हे यापूर्वी काँग्रेसचे माजी नगरसेवक मनोज शिंदे यांचे निकटवर्तीय मानले जात होते.पहिल्यांदा आमदार झाल्यानंतर एकनाथ शिंदे आणि अजय आशर यांची जवळीक वाढली, त्यामुळे आशर यांना ठाण्यातील पुनर्विकास प्रकल्पांना प्राधान्य मिळू लागले.

आशर यांच्या जागी दिलीप वळसे पाटील, राणा जगजितसिंह पाटील आणि राजेश क्षीरसागर यांची मित्र संस्थेच्या उपाध्यक्षपदी नियुक्ती करण्यात आली आहे. याशिवाय मुख्य सचिव आणि इतर वरिष्ठ अधिकाऱ्यांचीही नियुक्ती करण्यात आली आहे.