Cleanliness Drive : “स्वच्छता मोहीम”,मुख्यमंत्री एकनाथ शिंदे जुहू बीचवर ट्रॅक्टर चालवत समुद्रकिनारी साफसफाई

•Chief Minister Eknath Shinde driving a tractor on Juhu beach to clean the beach राज्यात स्वच्छता ही सेवा अभियान राबविण्यात येत आहे. 2 ऑक्टोबरपर्यंत चालणाऱ्या या मोहिमेत शनिवारी मुख्यमंत्री एकनाथ शिंदे आणि राज्यपालांनीही सहभाग घेतला.

मुंबई :- जुहू बीचवर स्वच्छता मोहीम राबविण्यात आली ज्यात मुख्यमंत्री एकनाथ शिंदे, राज्यपाल सीपी राधाकृष्णन आणि केंद्रीय मंत्री भूपेंद्र यादव देखील पोहोचले. मुख्यमंत्री एकनाथ शिंदे आज (21 सप्टेंबर) येथे ट्रॅक्टर चालवताना दिसले. हातमोजे घालून, सफाई कामगारांसह तिघांनीही समुद्रकिनारा स्वच्छ करण्यात हातभार लावला.

मुख्यमंत्री एकनाथ शिंदे यांनी प्रसारमाध्यमांशी बोलताना सांगितले की, “मी किनारपट्टी स्वच्छता दिनाच्या शुभेच्छा देतो. स्वच्छता ही सेवा अभियान 17 सप्टेंबरपासून सुरू झाले असून ते 2 ऑक्टोबरपर्यंत चालणार आहे. ही केवळ 15 दिवसांची मोहीम नाही. ही एक सतत मोहीम आहे. डीप क्लीन मोहीम मुंबईत सुरू झाली आणि नंतर संपूर्ण महाराष्ट्रात सुरू झाली.

त्यामुळे प्रदूषण कमी झाले आहे. लोकांमध्ये जागृती झाली आहे. स्वयंसेवी संस्था आणि सामान्य जनता यात सहभागी होते. स्वच्छ भारत अभियान 2014 मध्ये सुरू झाले. बऱ्याच लोकांनी कमेंट केल्या होत्या पण आज त्याचा परिणाम आणि परिणाम काय होतो ते पाहतो. महाराष्ट्रालाही स्वच्छ महाराष्ट्राचा प्रस्ताव आला आहे.

मुख्यमंत्री एकनाथ शिंदे म्हणाले, अस्वच्छता करूया कायमची नष्ट..!स्वच्छ, सुंदर करूया आपला महाराष्ट्र !

आंतरराष्ट्रीय सागरी किनारा स्वच्छता दिनानिमित्त आज जुहू चौपाटीवर समुद्र किनारा स्वच्छता कार्यक्रमाचे आयोजन करण्यात आले होते. यावेळी या कार्यक्रमाचा शुभारंभ करतानाच त्यात प्रत्यक्ष सहभागी होऊन जुहू किनाऱ्याची स्वच्छता केली. तसेच उपस्थितांना किनारा स्वच्छतेची सामूहिक शपथ दिली.

मुख्यमंत्री एकनाथ शिंदे यावेळी बोलताना म्हणाले की,आपण भाग्यवान आहोत की आपल्याला 720 किलोमीटर लांब समुद्रकिनारा मिळाला आहे. पण हा समुद्रकिनारा स्वच्छ राहिला तरच पर्यटक आपल्याकडे पर्यटनासाठी येतील. त्यामुळे हे किनारे स्वच्छ ठेवणे ही आपल्या सगळ्यांची जबाबदारी आहे. स्वच्छतेला आपल्या आयुष्यात अनन्यसाधारण महत्त्व आहे. त्यामुळे मुंबई स्वच्छ सुंदर दिसावी यासाठी शहरात डीप क्लिन ड्राइव्ह मोहीम हाती घेतली असून ती यापुढे देखील सुरू राहणार आहे असे यावेळी सांगितले.

सिंगल युज प्लास्टिकचा वापर टाळावा यासाठी महाराष्ट्र प्रदूषण नियामक मंडळाकडून विविध उपक्रम राबवून नागरिकांमध्ये जनजागृती निर्माण करण्याचा प्रयत्न केला जात आहे. नुकताच राज्यात ‘स्वच्छता ही सेवा’ हा उपक्रम हाती घेण्यात आला आहे. या मोहिमेअंतर्गत या मोहिमेत 4 हजार गावांचा सहभाग असणार असून आपल्या सर्वांचा सहभाग देखील महत्वाचा असणार आहे. या अंतर्गत गणपती विसर्जनानंतर आपण समुद्र किनारे स्वच्छ करण्यासाठी प्रयत्न करत असल्याचे यावेळी नमूद केले.