Pragya Singh Thakur : मालेगाव येथे प्रज्ञा ठाकूर यांच्या उपस्थितीत होणाऱ्या कार्यक्रमाला परवानगी नाही

Pragya Singh Thakur News : मालेगावमध्ये गुढीपाडव्याच्या दिवशी साध्वी प्रज्ञासिंह ठाकूर यांच्या उपस्थितीत आयोजित करण्यात येणाऱ्या हिंदू संतांच्या मोठ्या मेळाव्याला पोलिसांनी परवानगी नाकारली आहे.

मालेगाव :- भाजपच्या माजी खासदार आणि मालेगाव बॉम्बस्फोटातील मुख्य आरोपी साध्वी प्रज्ञासिंह ठाकूर Pragya Singh Thakur यांच्या उपस्थितीत गुढीपाडव्याच्या दिवशी मालेगावमध्ये आयोजित करण्यात येणाऱ्या हिंदू संतांच्या मोठ्या मेळाव्याला पोलिसांनी परवानगी नाकारली आहे.कायदा आणि सुव्यवस्थेचा हवाला देत पोलिसांनी हा निर्णय घेतला. मात्र, हा कार्यक्रम कोणत्याही परिस्थितीत आयोजित केला जाईल, असे आयोजकांचे म्हणणे आहे.

पोलिसांनी कार्यक्रमाला परवानगी नाकारल्यानंतर आयोजकांनी उच्च न्यायालयात जाण्याचा निर्णय घेतला आहे. मालेगाव येथे होणाऱ्या हिंदू संत संमेलनात साध्वी प्रज्ञा सिंह यांना हिंदू वीर पुरस्काराने सन्मानित करण्यात येणार आहे.संत-मुनींनी संमेलनाचे निमंत्रण स्वीकारले असल्याचा दावा आयोजकांनी केला असला तरी आता हिंदू संतांच्या उपस्थितीवर प्रश्नचिन्ह निर्माण झाले आहे.

29 सप्टेंबर 2008 रोजी मालेगाव येथील मशिदीत बॉम्बस्फोट झाला होता. यामध्ये सात जणांना जीव गमवावा लागला, तर अनेक जण जखमीही झाले. या प्रकरणी लेफ्टनंट कर्नल प्रसाद पुरोहित, साध्वी प्रज्ञासिंह ठाकूर, रमेश उपाध्याय, समीर कुलकर्णी, सुधाकर चतुर्वेदी, सुधाकर द्विवेदी आणि अजय राहिरकर यांना अटक करण्यात आली होती.महाराष्ट्र दहशतवाद विरोधी पथक (एटीएस) या प्रकरणाचा तपास करत होते. मात्र, नंतर तपास एनआयएकडे सोपवण्यात आला.