Beed Andolan News : ओबीसी समाजाचे आंदोलन, बीड राष्ट्रीय महामार्गावर टायर जाळून निषेध
मराठा आरक्षणामुळे ओबीसी आरक्षणाला धक्का लागू नये यासाठी आज ओबीसी समाजातील लोक रस्त्यावर उतरले आहेत. लोक टायर जाळून निषेध करत आहेत.
बीड :- जिल्ह्यात केज-लातूर आणि अहमदनगर-अहमदपूर या राष्ट्रीय महामार्गावर ओबीसी समाजाचे रस्त्यावर टायर जाळून निषेध करत आहेत. मराठ्यांना आरक्षण देताना ओबीसी आरक्षणाला कोणताही धक्का बसू देणार नाही, असे लेखी स्वरूपात सरकारने द्यावे, अशी आंदोलकांची मागणी आहे.
शुक्रवारी जालना जिल्ह्यातील वडीगोद्री गावात महाराष्ट्र राज्य मार्ग परिवहन महामंडळाच्या (MSRTC) बसवर अज्ञातांनी दगडफेक केली. या गावात १३ जूनपासून इतर मागासवर्गीय (ओबीसी) कामगार उपोषणाला बसले आहेत. एका पोलीस अधिकाऱ्याने ही माहिती दिली. महाराष्ट्र राज्य मार्ग परिवहन महामंडळाची बस छत्रपती संभाजीनगरहून बीडकडे जात असताना ही घटना घडल्याचे या अधिकाऱ्याने सांगितले.
दगडफेकीत कोणतीही जीवितहानी झाली नसल्याचे त्यांनी सांगितले. अधिकाऱ्याने सांगितले की, “गाडीच्या काही खिडक्यांचे नुकसान झाले आहे. पोलिसांनी परिस्थिती नियंत्रणात आणली. शाहगढ स्टँडवर थांबलेल्या सुमारे 10-12 बसेस नंतर पोलिस संरक्षणात पुढे पाठवण्यात आल्या. वडीगोद्री येथे ओबीसी कामगार लक्ष्मण हाके व नवनाथ वाघमारे हे गेल्या नऊ दिवसांपासून उपोषणाला बसले आहेत. मराठा समाजाच्या ओबीसी प्रवर्गातील आरक्षणाच्या मागणीबाबत महाराष्ट्र सरकारने जारी केलेली सगेसोयरे संदर्भात अधिसूचना रद्द करण्याची त्यांची मागणी आहे.
