Baba Siddiqui Case : बाबा सिद्दिकीच्या डायरीत बिल्डर आणि म्होरक्याचं नाव… बिश्नोई टोळीचा उल्लेखही..
Baba Siddiqui Murder Case : माजी आमदार बाबा सिद्दीकी यांच्या खून प्रकरणाचे गूढ जटील होत आहे. पोलिसांना दिलेल्या जबानीत बाबा सिद्दिकी यांचा मुलगा झीशान याने मुंबईतील एका नेत्याचा उल्लेख केला आहे, तर हत्येची जबाबदारी स्वीकारणाऱ्या बिष्णोई टोळीचे नाव घेतलेले नाही.
मुंबई :- माजी आमदार बाबा सिद्दीकी हत्या प्रकरणात नवा खुलासा समोर आला आहे. Baba Siddiqui Murder Case ज्यामध्ये आरोपीने हत्येमागचे कारण सांगितले आहे. दुसरीकडे, बाबा सिद्दीकी यांचा मुलगा झीशान सिद्दीकी याने मुंबई पोलिसांना दिलेल्या जबाबात एक डायरी उघड केली आहे. ज्यामध्ये बिल्डर आणि नेत्यांची नावे लिहिल्याचे सांगण्यात आले आहे.झीशानने आपल्या वक्तव्यात कुठेही बिश्नोई टोळीचा उल्लेख केलेला नाही. तर पोलिसांनी या प्रकरणी 4500 पानांचे आरोपपत्र दाखल केले असून त्यामध्ये 26 आरोपींविरुद्ध गुन्हा दाखल करण्यात आला आहे. Zeeshan Siddiqui statement to Mumbai police अनमोल बिश्नोई याची वाँटेड आरोपी म्हणून वर्णी लागली आहे.
शिवाय, झीशानने दावा केला की त्याच्या वडिलांचे अनेक विकासकांशी संपर्क होते जे पुनर्विकास प्रकल्पांमध्ये गुंतले होते. झीशानने सांगितले की, एसआरए पुनर्विकास प्रकल्पाबाबत झालेल्या बैठकीत एका बिल्डरने त्याच्या वडिलांना शिवीगाळ केली होती.तसेच या प्रकरणी राष्ट्रवादीचे नेते झीशान यांनी पोलिसांना या सर्व प्रकरणाची सखोल चौकशी करण्याची विनंती केली.
झीशानने सांगितले की, माझे वडील दोन दिवसांनी विधान परिषदेचे आमदार म्हणून शपथ घेणार होते. मात्र त्यापूर्वी 12 ऑक्टोबरला त्यांची गोळ्या झाडून हत्या करण्यात आली आणि त्यांच्या हत्येनंतर काही दिवसांनी विधान परिषदेसाठी नामनिर्देशित झालेल्या नेत्यांनी 15 ऑक्टोबर 2024 रोजी शपथ घेतली.
झीशान सिद्दीकीने पोलिसांना दिलेल्या जबानीनुसार, सिद्दीकीने बिश्नोई टोळीचा उल्लेखही केलेला नाही. तर हत्येनंतर बिष्णोई टोळीने सर्वप्रथम जबाबदारी स्वीकारली होती. दुसरीकडे पोलीस अनमोल बिश्नोईचाही तपास करत आहेत.बिश्नोई टोळी किंवा त्याच्या कोणत्याही सदस्याचे नाव न घेतल्याने झीशान अनेक प्रश्न उपस्थित करत आहे.
