Baba Siddique murder case: बाबा सिद्दीकी हत्येप्रकरणी 25 वा आरोपीला अटक, गुजरातचा राहणारा इक्बाल अकोल्यात पकडला
Baba Siddique murder case: बाबा सिद्दीकी हत्या प्रकरणात अटकेचे सत्र सुरूच आहे. मुंबई पोलिसांनी शनिवारीच पंजाबमधील फाजिल्का येथून एका आरोपीला अटक केली आहे.
मुंबई :- बाबा सिद्दीकी Baba Siddique Murder हत्याकांडातील आणखी एका आरोपीला मुंबई गुन्हे शाखेने Mumbai Crime Branch रविवारी अटक केली आहे. त्याला अकोल्यातून अटक करण्यात आली आहे. तो गुजरातचा रहिवासी आहे. बाबा सिद्दीकी हत्येप्रकरणी मुंबई पोलिसांनी Mumbai Police आतापर्यंत 25 जणांना अटक केली आहे.एक दिवसापूर्वी पंजाबमधील फाजिल्का येथून एका आरोपीला अटक करून ट्रान्झिट रिमांडवर मुंबईत आणण्यात आले होते.
गुन्हे शाखेने सांगितले की, अटक करण्यात आलेला आरोपी सलमान भाई इक्बाल भाई वोहरा Salman Bhai Iqbal Bhai Vohra हा गुजरातमधील आनंद जिल्ह्यातील पेटलाद येथील रहिवासी आहे. स्थानिक पोलिसांच्या मदतीने त्याला अकोल्यातील बाळापूर येथून अटक करण्यात आली आहे. बाबा सिद्दीकी यांची 12 ऑक्टोबर रोजी त्यांचा मुलगा झीशान सिद्दिकीच्या कार्यालयाबाहेर गोळ्या झाडून हत्या करण्यात आली होती.
मुंबई गुन्हे शाखेने सांगितले की, इक्बाल भाई वोहरा यांनी या वर्षी मे महिन्यात बँक खाते उघडले होते आणि नरेश कुमार सिंग, रूपेश मोहोळ आणि हरीश कुमार यांना आर्थिक मदत केली होती. नरेश कुमार हा आरोपी गुरमेल सिंगचा भाऊ आहे. त्याने इतर आरोपींनाही मदत केली होती.
हरियाणातील रहिवासी गुरमेल सिंग आणि यूपीचे रहिवासी धर्मराज कश्यप यांना हल्ल्यानंतर लगेचच घटनास्थळावरून अटक करण्यात आली. पोलिसांनी अलीकडेच तिसरा मुख्य आरोपी शिवकुमार गौतम याला बहराइच जिल्ह्यातून अटक केली आहे, ज्याने अनेक महत्त्वाची माहिती पोलिसांना दिली आहे.शिवकुमार गौतम हा 12 ऑक्टोबरपासून फरार होता. तो नेपाळला पळून जाण्याचा विचार करत होता.
शिवकुमार गौतमने पोलिस चौकशीत सांगितले होते की, बाबा सिद्दीकी यांच्यावर गोळी झाडल्यानंतर तो घटनास्थळी उपस्थित होता. तेथे असताना त्याने कपडे बदलून बॅग फेकून दिली होती. यानंतर ते बाबा सिद्दीकी यांना ज्या रुग्णालयात नेले होते तेथेही गेले. यानंतर तो ट्रेन पकडून बहराइचला आला.
