Akshay Shinde Encounter : अक्षय शिंदेच्या एन्काउंटरचा तपास सीआयडी करणार, ठाणे पोलिसांनी पत्र लिहिलं

CID will investigate Akshay Shinde’s encounter बदलापूर लैंगिक अत्याचार प्रकरणातील आरोपी अक्षय शिंदे याचा सोमवारी ठाण्यात गोळीबारात मृत्यू झाला. आता सीआयडी याची चौकशी करू शकते.

ठाणे :- बदलापूर बलात्कार प्रकरणातील आरोपी अक्षय शिंदे याच्या एन्काऊंटरचा तपास लवकरच सीआयडीकडे जाऊ शकतो. याबाबत ठाणे पोलिसांनी सीआयडीला पत्र दिले आहे. आता मुंब्रा पोलिसांत दाखल झालेल्या गुन्ह्याचा ताबा सीआयडी घेऊ शकते, असे ठाणे पोलिसांचे म्हणणे आहे.

ठाणे पोलिसांनी सीआयडीला पत्र लिहून अक्षय शिंदेच्या मृत्यूच्या प्रकरणाचा तपास कोठडीतील मृत्यूच्या तपासाच्या मार्गदर्शक तत्त्वांनुसार करण्याची विनंती केली आहे. मुंब्रा पोलिसात दाखल झालेल्या गुन्ह्याची लवकरच सीआयडी ताब्यात घेणार असल्याचे ठाणे पोलिसांचे म्हणणे आहे.अक्षय आणि पोलिसांच्या चकमकीदरम्यान अक्षय शिंदे याने तीन गोळ्या झाडल्या होत्या. तर एक गोळी पीआय संजय शिंदे यांनी लागली. या गोळ्यांच्या रिकाम्या शेल्स फॉरेन्सिक टीमला मिळाल्या आहेत. फॉरेन्सिक टीमने पोलीस व्हॅनमधून रक्ताचे काही नमुने देखील घेतले आहेत. यातून ही घटना पोलिस व्हॅनमध्येच झाली असल्याचं सांगण्यात येत आहे.