Akshay Shinde Encounter News : अक्षय शिंदेच्या वडिलांची हायकोर्टात याचिका, ‘पुरावे नष्ट करण्यासाठी मुलाची हत्या’

•Akshay Shinde Father Appeal To Mumbai High Court बदलापूर प्रकरणातील सहा आरोपी अद्याप फरार असल्याचे अक्षय शिंदेच्या वडिलांनी उच्च न्यायालयात दाखल केलेल्या याचिकेत म्हटले आहे. तेही तितकेच जबाबदार आहेत.

मुंबई :- बदलापूर प्रकरणातील आरोपी अक्षय शिंद याच्या वडिलांनी मुंबई उच्च न्यायालयात धाव घेतली आहे. बदलापूर प्रकरणात पुरावे नष्ट करण्यासाठी मुलाची हत्या करण्यात आल्याचा आरोप वडिलांनी केला आहे. वडिलांच्या याचिकेवर आज बुधवारी (25 सप्टेंबर) सुनावणी होणार आहे.

याचिकेत अक्षयचे वडील अण्णा शिंदे यांनी म्हटले आहे की, या प्रकरणातील सहा आरोपी अद्याप फरार असून तेही तितकेच जबाबदार आहेत. मुलावर खोटे आरोप करून तो राजकारणाचा बळी ठरल्याचे ते म्हणाले. न्यायमूर्ती रेवती मोहिते-डेरे आणि न्यायमूर्ती पृथ्वीराज चव्हाण यांच्या खंडपीठासमोर बुधवारी या याचिकेवर तातडीची सुनावणी होणार आहे.

अण्णा शिंदे यांनी वकील अमित कातरनवरे यांच्यामार्फत दाखल केलेल्या याचिकेत अक्षय शिंदे याचा ‘बनावट चकमकीत’ मारण्यात आल्याचा आरोप केला आहे. वकिल कातरनवरे म्हणाले, “आरोपी कोठडीत असताना त्याला बनावट चकमकीत गोळ्या घालण्यात आल्या. गणवेशातील गुन्हेगारांनी केलेली ही निर्घृण हत्या आहे.”या याचिकेवर न्यायमूर्ती रेवती मोहिते डेरे आणि न्यायमूर्ती पृथ्वीराज चव्हाण यांच्या खंडपीठासमोर बुधवारी सुनावणी होणार आहे.

पोलिस अधिका-यांनी सांगितले की, शिंदेला सोमवारी संध्याकाळी नवी मुंबईतील तळोजा कारागृहातून बदलापूरला नेले जात होते, त्याच्या पत्नीच्या तक्रारीवरून त्याच्याविरुद्ध दाखल केलेल्या एफआयआरच्या चौकशी करिता त्याला घेऊन जात असताना गोळीबाराची घटना घडली, परिणामी त्याचा मृत्यू झाला.