Loksabha Election 2024 : मतदान केंद्रावर दुखद घटना ; मतदानाच्या रांगेत असताना वृद्ध व्यक्तीचा हृदयविकाराच्या झटक्याने मृत्यू

•मतदानाच्या रांगेत उभ्या असताना एका वयोवृद्ध व्यक्तीचा हृदयविकाराच्या झटक्याने मृत्यू

कोल्हापूर :- राज्यात तिसरा टप्प्याचे मतदान सुरू आहे. दुपारी तीन वाजेपर्यंत राज्यात जवळपास 42.63% मतदान झाले तर देशात 50.71% मतदान झाले आहे ‌. मतदान चालू असताना मतदानाच्या रांगेत वृद्ध व्यक्तीचा मृत्यू झाल्याची घटना कोल्हापुरा मधून समोर आली आहे.

कोल्हापूर शहरातील उत्तरेश्वर पेठेतील रमाबाई आंबेडकर शाळेतील मतदान केंद्रावर ही घटना घडली आहे. मृत्यू झालेल्या व्यक्तीचे नाव श्रीपती सुतार (69 वर्ष) हे मतदानासाठी आले होते. रांगेत उभी असताना त्यांना चक्कर आली. आणि त्यानंतर ते जागेवरच कोसळले. त्यानंतर तेथील राजकीय कार्यकर्त्यांनी आणि नातलगांसह रुग्णालयात दाखल करण्यात आले. रुग्णालयात नेले असता त्या व्यक्तीला डॉक्टरांनी उपचारापूर्वीच मृत्यू घोषित करण्यात आले आहे.