Mumbai BMC Election Latest News :,ठाकरे बंधूंची तगडी झुंज अन् काँग्रेसची स्थिती!
मुंबई | मुंबई महानगरपालिका निवडणुकीत यंदा ‘महायुती’ विरुद्ध ‘ठाकरे बंधू’ असा अभूतपूर्व सामना पाहायला मिळाला. मतदानाची प्रक्रिया पूर्ण होताच विविध संस्थांनी जाहीर केलेल्या एक्झिट पोल्सनुसार, देशातील सर्वात श्रीमंत महानगरपालिकेवर भाजप आणि शिंदे यांच्या शिवसेनेची सत्ता येण्याची शक्यता दाट आहे. बहुतांश सर्व्हेमध्ये महायुती बहुमताचा ११४ हा आकडा पार करताना दिसत आहे. Mumbai BMC Election Results
महायुती बहुमताच्या जवळ, तर ठाकरे बंधू किंगमेकरच्या भूमिकेत?
‘जनमत’ आणि ‘अॅक्सिस माय इंडिया’ यांसारख्या प्रमुख संस्थांच्या अंदाजानुसार, भाजप आणि शिंदे गटाच्या महायुतीला १३० ते १५० जागा मिळतील, असे चित्र दिसते आहे. दुसरीकडे, तब्बल २० वर्षांनंतर ‘मराठी अस्मिते’साठी एकत्र आलेल्या उद्धव आणि राज ठाकरे यांच्या युतीला ६० ते ८० जागांचा अंदाज वर्तवण्यात आला आहे. ठाकरे बंधूंनी मुंबईतील मराठी भाषिक पट्ट्यात महायुतीला जोरदार टक्कर दिल्याचे सर्वेक्षणातून समोर आले असून, उद्याच्या निकालात ही आकडेवारी कोणाचे पारडे जड करते, हे पाहणे रंजक ठरेल.
मराठी आणि अमराठी मतांचे समीकरण निर्णायक
एक्झिट पोल्सच्या सखोल विश्लेषणानुसार, मुंबईतील ४९ टक्के मराठी मतदारांची पहिली पसंती ठाकरे बंधूंना असल्याचे दिसत आहे. मात्र, ५३ टक्क्यांहून अधिक अमराठी मतदारांनी महायुतीला दिलेला पाठिंबा भाजपसाठी विजयाचा मार्ग सुकर करणारा ठरण्याची शक्यता आहे. गुजराती, उत्तर भारतीय आणि दाक्षिणात्य मतदारांचा कल महायुतीकडे झुकल्याने ठाकरे बंधूंना मोठ्या आव्हानाचा सामना करावा लागू शकतो.
काँग्रेस-वंचित आणि अजित पवार गटाची भूमिका
या निवडणुकीत काँग्रेस आणि वंचित बहुजन आघाडीच्या युतीला १५ ते २५ जागा मिळतील असा अंदाज आहे. दक्षिण मुंबई आणि उपनगरातील मुस्लिम बहुल भागांत काँग्रेसने आपली पकड कायम ठेवल्याचे दिसते. तर, स्वतंत्रपणे ९४ जागा लढवणाऱ्या अजित पवार यांच्या राष्ट्रवादी काँग्रेसला ५ ते ८ जागा मिळण्याची शक्यता वर्तवण्यात आली आहे. जर सत्तेचे समीकरण अटीतटीचे झाले, तर हे लहान पक्ष आणि अपक्ष उमेदवार ‘किंगमेकर’ ठरण्याची दाट शक्यता आहे.
एक्झिट पोल्सचे अंदाज काय आहेत?
डीव्ही रिसर्च
-महायुती : भाजपा-शिवसेना शिंदे : १०७ ते १२२ जागा
-ठाकरे बंधू युती : ६८ ते ८३ जागा
अॅक्सिस माय इंडिया
-भाजपा-सेना – १३१ ते १५१-ठाकरे बंधू -५८ ते ६८-काँग्रेस -१२ ते १६ जागा
जेव्हीसी (JVC)
-भाजपा-सेना -१३८-ठाकरे बंधू -५९-काँग्रेस -२३
पोल्स ऑफ पोल्स
भाजपा-सेना -१०७ ते १२२ठाकरे बंधू -६८ ते ८३काँग्रेस व वंचित -११ ते २५इतर -८ ते १५
जनमत
भाजपा-सेना – ४२ ते ४५ठाकरे बंधू – ३४ ते ३७काँग्रेस-वंचित – १३ ते १५इतर – ६ ते ८
