Delhi Car Blast News : विस्फोटानंतर 3-4 गाड्या जळून खाक; घातपाताच्या भीतीने पोलीस अलर्टवर
ANI :- राजधानी दिल्लीतील अत्यंत संवेदनशील आणि हाय सेक्युरिटी झोन Delhi Security Zone असलेल्या लाल किल्ल्याच्या अगदी जवळ आज संध्याकाळी एक भीषण घटना घडली. लाल किल्ला मेट्रो स्टेशनच्या गेट क्रमांक-1 जवळ उभ्या असलेल्या एका कारमध्ये अचानक मोठा स्फोट झाल्याची माहिती समोर आली आहे. Delhi Blast Latest Update
सोमवारी संध्याकाळी सुमारे 6.30 वाजण्याच्या सुमारास झालेल्या या स्फोटामुळे परिसरातील वातावरण हादरले आणि भीतीचे सावट पसरले. या भीषण स्फोटामुळे जवळपास उभ्या असलेल्या इतर तीन ते चार वाहनांनाही लगेचच आग लागली आणि त्यांचे मोठे नुकसान झाले. स्फोटाची माहिती मिळताच अग्निशमन दलाच्या सुमारे सात गाड्या तातडीने घटनास्थळी दाखल झाल्या आणि त्यांनी आग विझवण्यासाठी मोठे युद्ध सुरू केले. दिल्ली पोलीस आणि अग्निशमन दलाचे जवान तातडीने परिस्थिती नियंत्रणात आणण्याचा प्रयत्न करत आहेत.
हा स्फोट तांत्रिक बिघाडामुळे झाला की यामागे घातपाताची शक्यता आहे, याबाबत अद्याप कोणतीही अधिकृत माहिती समोर आलेली नाही. मात्र, हाय सेक्युरिटी झोनमध्ये ही घटना घडल्यामुळे दिल्ली पोलीस पूर्णपणे अलर्ट झाले आहेत आणि त्यांनी स्फोटाच्या कारणांचा कसून तपास सुरू केला आहे. सुदैवाने, या दुर्घटनेत कोणतीही जीवितहानी झाल्याचे वृत्त नाही, ज्यामुळे प्रशासनाला थोडा दिलासा मिळाला आहे.
