Pune Mumbai Express News : पुणे-मुंबई महामार्गावर पोलिसांवर जीवघेणा हल्ला; चौघांना अटक
Pune Mumbai Express Latest News : वाहन थांबवल्याच्या रागातून दोन पोलिसांना बेदम मारहाण; खडकी परिसरात भीतीचे वातावरण
पुणे :- पुणे-मुंबई महामार्गावरील खडकी Pune Khadki Police भागात कर्तव्य बजावत असलेल्या दोन पोलीस कर्मचाऱ्यांवर चार तरुणांच्या टोळक्याने जीवघेणा हल्ला केल्याची धक्कादायक घटना 31 जुलैच्या रात्री घडली. केवळ वाहतुकीचे नियम पाळण्याची सूचना केल्याच्या रागातून हा प्रकार घडल्याने शहरात संताप व्यक्त केला जात आहे. या प्रकरणी पोलिसांनी तातडीने कारवाई करत हल्लेखोर चौघांना अटक केली आहे.
घटनेची अधिक माहिती अशी की, पोलीस शिपाई गोपाल देवसिंग कोतवाल आणि काजळे हे दोघे खडकी परिसरात पेट्रोलिंग करत होते. त्यावेळी, एका कारमधील तरुण वेडीवाकडी गाडी चालवत असल्याचे त्यांच्या निदर्शनास आले. त्यांनी गाडी थांबवून चालकाला याबद्दल विचारणा केली असता, गाडीतील चौघांनी पोलिसांशी वाद घालण्यास सुरुवात केली. हा वाद इतका वाढला की, त्यांनी दोन्ही पोलिसांना लाथा-बुक्क्यांनी मारहाण करत जमिनीवर पाडले.
या घटनेमुळे खडकी परिसरात काही काळ तणावाचे वातावरण निर्माण झाले होते. हल्ल्यानंतर जखमी पोलिसांनी खडकी पोलीस ठाण्यात धाव घेऊन तक्रार दाखल केली. पोलिसांनी तत्काळ पावले उचलत, जुनेद इक्बाल शेख, नफीज नौशाद शेख, युनूस युसुफ शेख आणि आरिफ अक्रम शेख या चारही आरोपींना अटक केली आहे. आरोपींवर सरकारी कर्मचाऱ्यावर हल्ला केल्याचा गंभीर गुन्हा दाखल करण्यात आला असून, पुढील तपास सुरू आहे.
