Emergency Landing : फुकेत विमानतळावर एअर इंडियाचं इमर्जन्सी लँडिंग; बॉम्बच्या धमकीने खळबळ
Emergency Landing : फुकेत विमानतळावर आकस्मिकता योजना सक्रीय; सुरक्षा यंत्रणांची तत्पर कार्यवाही
ANI :- थायलंडमधील फुकेत आंतरराष्ट्रीय विमानतळावर एअर इंडिया फ्लाइट AI-379 ने शनिवारी आपत्कालीन लँडिंग केलं. या विमानात 156 प्रवासी होते. दिल्लीकडे येणाऱ्या या विमानात बॉम्ब असल्याची माहिती मिळाल्यानंतर विमानतळ प्रशासन आणि सुरक्षा यंत्रणा सतर्क झाल्या.
रॉयटर्स वृत्तसंस्थेने दिलेल्या माहितीनुसार, फ्लाइट ‘फ्लायट्रेडर24’च्या नोंदीप्रमाणे हे विमान भारतीय वेळेनुसार सकाळी 9.30 वाजता फुकेतहून दिल्लीसाठी रवाना झालं होतं. परंतु उड्डाणानंतर काही वेळातच अंदमान समुद्रावर एक मोठं वर्तुळ घालत ते पुन्हा फुकेतमध्ये उतरवलं गेलं.
‘नेशन थायलंड’च्या अहवालानुसार, धमकी मिळताच विमानतळ प्रशासनाने आकस्मिकता योजना (Airport Contingency Plan – ACP) तात्काळ अमलात आणली. सर्व प्रवाशांना सुरक्षित बाहेर काढण्यात आलं असून, सुरक्षा तपासणी सुरु आहे. सध्या या घटनेचा अधिक तपास सुरू असून, धमकी खरी होती की खोटी, याचा शोध घेतला जात आहे. प्रवाशांच्या सुरक्षेच्या दृष्टिकोनातून यंत्रणांची तत्परता कौतुकास्पद ठरली आहे.
