Mumbai Cyber Cell : सायबर सेलने समय रैनाला पाठवले दुसरे समन्स, कॉमेडियनच्या वकिलाने केला होता हा दावा
Mumbai Cyber Cell On Samay Raina : मी माझ्या चॅनलवरून ‘इंडियाज गॉट लेटेंट’चे सर्व व्हिडिओ हटवले आहेत, असे वादानंतर समय रैनाने म्हटले आहे. लोकांना हसवणं आणि चांगला वेळ घालवणं हाच माझा उद्देश होता.
मुंबई :- इंडियाज गॉट लेटेंट India’s Got Latent प्रकरणात सायबर पोलिसांनी Cyber Police कॉमेडियन समय रैनाला Summonsed Samay Raina दुसरे समन्स पाठवले आहे. सायबर सेलने समय रैनाला सोमवारी म्हणजेच 17 फेब्रुवारी रोजी तपास अधिकाऱ्यांसमोर हजर राहण्यासाठी समन्स पाठवले आहे. बुधवारी, समय रैनाच्या वकिलाने सायबर सेलला सांगितले होते की, समय रैना अमेरिकेत आहे आणि 17 मार्चला परत येईल.
वास्तविक, समय रैनाच्या ‘इंडियाज गॉट लेटेंट’ या शोमध्ये रणवीर अलाहाबादियाने केलेल्या अश्लील कमेंटबाबतचा वाद आणखी गडद होत आहे. दरम्यान, बुधवारी आपले मौन तोडत या कॉमेडियनने सांगितले की, त्याने त्याच्या यूट्यूब चॅनलवरून शोचे सर्व व्हिडिओ काढून टाकले आहेत.समय रैनाने सोशल मीडिया प्लॅटफॉर्म X वर लिहिले की, जे काही घडत आहे ते हाताळणे माझ्यासाठी खूप कठीण आहे.
समय रैनाने लिहिले की, “मी माझ्या चॅनलवरून ‘इंडियाज गॉट लेटेंट’चे सर्व व्हिडिओ काढून टाकले आहेत. माझा एकच उद्देश लोकांना हसवणे आणि चांगला वेळ घालवणे हा होता. त्यांचा तपास निष्पक्षपणे पूर्ण व्हावा यासाठी मी सर्व एजन्सींना पूर्ण सहकार्य करेन.”
यूट्यूबर रणवीर अलाहाबादिया, कॉमेडियन समय रैना आणि ‘इंडियाज गॉट लेटेंट’ शोच्या आयोजकांविरुद्ध तक्रार नोंदवून मुंबई पोलिसांनी तपास सुरू केला आहे. त्याच वेळी, आसाम पोलिसांनी सोमवारी रणवीर अलाहाबादिया, समय रैना, आशिष चंचलानी यांच्याविरुद्ध शोमध्ये केलेल्या ‘अश्लील’ टिप्पणीबद्दल एफआयआर नोंदवला.
