मुंबईत राजकीय वातावरण तापले ; बाळासाहेब ठाकरे यांचा बॅनर फाटल्याने ठाकरे गट आक्रमक
•बाळासाहेब ठाकरे यांच्या जयंतीचे बॅनर काढताना बॅनर फाडले, त्यामुळे उद्धव ठाकरेंच्या शिवसेनेतील शिवसैनिकांमध्ये नाराजी पसरली आहे.
मुंबई :- मुंबईत काल रात्री सायन प्रतीक्षा नगरमध्ये उद्धव ठाकरे यांच्या शिवसेना (ठाकरे) पक्षाच्या कार्यकर्त्यांनी जोरदार निदर्शने केली. यावेळी ते रस्त्यावर बसले. बाळासाहेब ठाकरे यांचे बॅनर फाडण्याच्या मुद्द्यावरून शिवसेना-ठाकरे गटाचे कार्यकर्त्यांनी निदर्शने केली.बेकायदा बॅनर हटवताना बाळासाहेब ठाकरे यांचा बॅनर बीएमसी कर्मचाऱ्यांनी फाडला असा आरोप ठाकरे गटाकडून करण्यात आला आहे.
बीएमसी अधिकाऱ्यांनी बॅनर हटवताना 23 जानेवारीला बाळासाहेब ठाकरे यांच्या जयंतीनिमित्त ठाकरे यांच्या शिवसेनेने लावलेले बॅनर फाडले. त्यामुळे सायनमध्ये संतप्त झालेल्या शिवसैनिकांनी रस्त्यावर बसून आंदोलन सुरू केले.दरम्यान, बाळासाहेब ठाकरे यांच्या जयंतीनिमित्त लावण्यात आलेले बॅनरही काढण्यात आले आहे.
बाळासाहेब ठाकरे यांच्या जयंतीचे बॅनर काढताना बॅनर फाडले, त्यामुळे उद्धव ठाकरेंच्या शिवसेनेतील शिवसैनिकांमध्ये नाराजी पसरली आहे. सायनच्या प्रतीक्षा नगरमध्ये रस्त्यावर बसून शिवसैनिकांनी मुंबई महापालिकेच्या अधिकाऱ्यांचा निषेध केला.मुंबई महापालिकेच्या अधिकाऱ्यांनी बाळासाहेबांच्या जयंतीचे बॅनर काढून त्यातील एक बॅनर फाडून त्यांचा अवमान केल्याचे शिवसैनिकांचे म्हणणे आहे.
