Allu Arjun : तुरुंगातून सुटल्यानंतर अल्लू अर्जुनने दिले पहिले वक्तव्य, म्हणाले- ‘जीविताची भरपाई करू शकत नाही’
Allu Arjun Reaction : अल्लू अर्जुनचे जामिनानंतरचे पहिले वक्तव्य समोर आले आहे. अभिनेत्याने त्याच्या चाहत्यांचे आभार मानले असून चेंगराचेंगरीत महिलेचा मृत्यू झाल्याबद्दल दु:ख व्यक्त केले आहे.
ANI :- साऊथचा सुपरस्टार अल्लू अर्जुनची तुरुंगातून Actor Allu Arjun सुटका झाली आहे. अल्लू अर्जुनचे जामिनानंतरचे पहिले वक्तव्य समोर आले आहे. मीडियाशी बोलताना अभिनेत्याने या कठीण काळात त्याला साथ देणाऱ्या त्याच्या चाहत्यांचे आभार मानले. याशिवाय चेंगराचेंगरीत एका महिलेचा मृत्यू झाल्याबद्दल पुष्पा 2 अभिनेत्याने दु:ख व्यक्त केले आहे.
अल्लू अर्जुन तुरुंगातून सुटताच गीता आर्ट्स प्रॉडक्शन हाऊसमध्ये पोहोचला. यावेळी त्याच्यासोबत त्याचे वडील अरविंद अल्लू दिसले. आता मीडियाशी बोलताना अभिनेत्याने त्याच्या चाहत्यांचे आणि समर्थकांचे आभार मानले आहेत.अल्लू अर्जुन म्हणाला- ‘मी प्रेम आणि समर्थनासाठी सर्वांचे आभार मानतो. मला माझ्या सर्व चाहत्यांचे आभार मानायचे आहेत.
अल्लू अर्जुन पुढे म्हणाला- ‘काळजी करण्यासारखे काही नाही. मी ठीक आहे. मी कायद्याचे पालन करणारा नागरिक आहे आणि सहकार्य करेन. मी पुन्हा एकदा कुटुंबाप्रती संवेदना व्यक्त करू इच्छितो.ही एक दुर्दैवी घटना होती, एक कुटुंब चित्रपट पहायला गेले आणि कोणीतरी आपला जीव गमावला याचं आम्हाला खेद वाटतो. हे माझ्या नियंत्रणात नव्हते. मी 20 वर्षांपासून चित्रपट पाहत आहे. मी चित्रपट पाहण्यासाठी किमान 30 वेळा तिथे गेलो आहे पण असे काहीही घडले नाही. हा अपघात होता आणि मी कुटुंबाला आधार देण्यासाठी येथे आलो आहे.
