Maharashtra News : महाराष्ट्रातील निवडणुकीचे आकडे बदलणार? काँग्रेसने केंद्रीय निवडणूक आयोगाला लिहिलेले पत्र
Congress On Election Commission : काँग्रेसने महाराष्ट्र निवडणुकीत मतदार यादी आणि मतदानाच्या टक्केवारीत अनियमितता झाल्याचा आरोप करत निवडणूक आयोगाकडे सुनावणीची मागणी केली.
ANI :- काँग्रेसने शुक्रवारी (29 नोव्हेंबर) निवडणूक आयोगाला पत्र लिहून नुकत्याच झालेल्या महाराष्ट्र विधानसभा निवडणुकीच्या मतदान आणि मतमोजणी प्रक्रियेत गंभीर अनियमितता झाल्याचा आरोप केला आहे. या मुद्द्यावर वैयक्तिक सुनावणीची मागणीही काँग्रेसने केली आहे.मतदारांना “मतदार याद्यांमधून मनमानी पद्धतीने काढून टाकण्यात आले आणि प्रत्येक विधानसभा मतदारसंघात 10,000 हून अधिक मतदार जोडले गेले” असा आरोप काँग्रेसने केला आहे. पक्षाने असेही म्हटले आहे की “महाराष्ट्राच्या मतदारांच्या डेटावर माजी मुख्य निवडणूक आयुक्तांनी देखील प्रश्न केला आहे.”
काँग्रेसने आपल्या पत्रात नमूद केले आहे की, “नियंत्रितपणे हटविण्याच्या आणि जोडण्याच्या या प्रक्रियेमुळे जुलै 2024 ते नोव्हेंबर 2024 दरम्यान महाराष्ट्रात सुमारे 47 लाख नवीन मतदारांचा मतदार यादीत समावेश करण्यात आला.”पक्षाने असा दावा केला आहे की “50 विधानसभा मतदारसंघांपैकी जिथे सरासरी 50,000 नवीन मतदार जोडले गेले, तेथे सत्ताधारी आघाडी आणि त्यांच्या मित्रपक्षांनी 47 जागा जिंकल्या.”
काँग्रेसचे अध्यक्ष मल्लिकार्जुन खर्गे यांनीही इलेक्ट्रॉनिक व्होटिंग मशिनच्या (ईव्हीएम) विश्वासार्हतेवर प्रश्न उपस्थित केला आणि बॅलेट पेपर वापरण्याची मागणी केली. ते म्हणाले, “आम्हाला ईव्हीएम नको आहे, आम्हाला बॅलेट पेपर हवे आहेत.नुकत्याच पार पडलेल्या विधानसभा निवडणुकीत भाजपच्या नेतृत्वाखालील महायुती आघाडीने 288 पैकी 230 जागा जिंकल्या आहेत. भाजपने 132, शिवसेनेला 57 आणि राष्ट्रवादीने 41 जागा जिंकल्या. त्याच वेळी, महाविकास आघाडीला (MVA) एकूण 46 जागा मिळाल्या, त्यापैकी काँग्रेसच्या वाट्याला फक्त 16 जागा मिळाल्या.
