Ramgiri Maharaj Statement : मी माफी मागणार नाही, माझा इस्लामवर विश्वास…..’, प्रेषित मोहम्मद यांच्यावर आक्षेपार्ह विधान करणारे रामगिरी महाराज आता काय म्हणाले?
Ramgiri Maharaj on Prophet Mohammad: रामगिरी महाराज म्हणाले की, प्रत्येकाला आपले मत मांडण्याचा अधिकार आहे आणि तो संविधानाने दिला आहे. माझ्या वक्तव्यामुळे कोणाच्या भावना दुखावल्या गेल्या असतील तर तो त्याचा वैयक्तिक मुद्दा आहे.
मुंबई :- प्रेषित मोहम्मद यांच्यावर वादग्रस्त Prophet Mohammad विधान करणारे महाराष्ट्रातील सराला बेटाचे मठाधिपती रामगिरी महाराज Ramgiri Maharaj पुन्हा एकदा चर्चेत आले प्रेषित मोहम्मद आणि इस्लाम यांच्यावर कथित आक्षेपार्ह वक्तव्य केल्याच्या मुद्द्यावर रामगिरी महाराज यांनी माफी मागण्यास नकार दिला आहे.ते म्हणाले की, ते इस्लामविरोधी नाहीत, मात्र त्यांच्या वक्तव्याबद्दल माफी मागणार नाही आहेत.
रामगिरी महाराज यांनी मुंबईत पत्रकार परिषदेत सांगितले की, “मी माफी मागणार नाही. या प्रकरणी न्यायालय जो काही निर्णय देईल, तो मला मान्य असेल. प्रत्येकाला आपले मत मांडण्याचा अधिकार आहे आणि हा अधिकार घटनेने दिलेला आहे.ते म्हणाले की, त्यांच्या वक्तव्यानंतर देशाबाहेरील सोशल मीडिया वापरकर्ते देशात हिंसाचार पसरवण्याचा प्रयत्न करत आहेत.
रामगिरी महाराज यांच्यासोबत मुंबईचे माजी पोलिस आयुक्त सत्यपाल सिंह हेही उपस्थित होते. सत्यपाल सिंह म्हणाले, “महंत रामगिरी माफी मागणार नाहीत, कारण त्यांनी इस्लामिक पुस्तकांमध्ये काय लिहिले आहे ते सांगितले. इस्लामच्या विद्वानांनी आणि मौलानानी सर्वांना सांगावे की रामगिरीच्या वक्तव्यात तथ्य नव्हते का?”
नाशिक जिल्ह्यातील सिन्नर तालुक्यातील पांचाळे गावात रामगिरी महाराजांवर प्रेषित मोहम्मद यांच्यावर वादग्रस्त वक्तव्य केल्याचा आरोप झाला होता. हे वक्तव्य सोशल मीडियावर व्हायरल झाल्यानंतर छत्रपती संभाजीनगरच्या वैजापूर शहरात तणाव वाढला होता.याबाबत मोठ्या प्रमाणात निदर्शने झाली आणि एफआयआरही नोंदवण्यात आला.
