Bhosari Water Tank Accident | भोसरीत पाण्याची टाकी कोसळून ५ कामगारांचा दुर्दैवी मृत्यू
- रेस्क्यू ऑपरेशन सुरु
- अग्निशमन दलाचे कर्मचारी आणि पोलीस घटनास्थळी दाखल
पुणे, दि. २४ ऑक्टोबर, महाराष्ट्र मिरर
मुबारक जिनेरी
Bhosari Water Tank Accident | भोसरीत पाण्याची टाकी कोसळून ५ कामगारांचा दुर्दैवी मृत्यूभोसरीतील सद्गुरू नगर येथे भीषण घटना घडली आहे. बांधकाम प्रक्लसाठी तकलादू पद्धतीने उभारण्यात आलेली पाण्याची टाकी कामगारांवर कोसळल्याने ५ कामगारांचा दुर्दैवी मुर्त्यू झाला आहे. बचाव कार्य करण्यासाठी रेस्क्यू ऑपेरेशन सुरु करण्यात आला असून अग्निशमन दल व पोलीस यंत्रणा घटनास्थळावर दाखल झाली आहे. Bhosari Water Tank Accident |
मिळालेल्या माहितीनुसार, या ठिकाणी लेबर कॅम्पमधील काही कामगार राहत होते. पिंपरी चिंचवड परिसरातील भोसरीच्या सदगुरु नगर या ठिकाणी असलेली एक पाण्याची टाकी कोसळली. या ठिकाणी लेबर कॅम्पमधील काही कामगार राहत होते. बिल्डरने तकलादू पद्धतीने ही पाण्याची टाकी उभारली होती, असा आरोपही नागरिकांनी केला आहे. आज सकाळी साधारण ७ च्या दरम्यान ही पाण्याची टाकी कोसळून मोठी दुर्घटना घडली.
अनेकजण ढिगाऱ्याखाली अडकल्याची भीती
या टाकीच्या ढिगाऱ्याखाली अनेकजण अडकल्याची प्राथमिक माहिती समोर येत आहे. तसेच या घटनेत पाच कामगारांचा मृत्यू झाला आहे. तर काही कामगार जखमी झाले आहेत. या दुर्घटनेची माहिती मिळताच पिंपरी चिंचवडमधील अग्निशमन दल आणि पोलीस घटनास्थळी दाखल झाले आहेत. सध्या हा ढिगारा हटवून जखमींना बाहेर काढले जात आहे. तसेच सध्या जखमींना रुग्णालयात दाखल केले जात आहे. पण या दुर्घटनेत मृत्यू झालेल्या कामगारांचे मृतदेह काढण्यास नातेवाईकांडून विरोध दर्शवला जात आहे.
