•मंत्री आणि राष्ट्रवादीचे नेते छगन भुजबळ यांची प्रकृती अचानक बिघडल्याने त्यांना बॉम्बे हॉस्पिटलमध्ये दाखल करण्यात आले आहे.
मुंबई :- मंत्री आणि राष्ट्रवादीचे नेते छगन भुजबळ यांची प्रकृती अचानक बिघडली. यानंतर त्यांना रुग्णालयात दाखल करण्यात आले आहे. शिंदे सरकारमधील मंत्री भुजबळ हे पंतप्रधान नरेंद्र मोदींच्या कार्यक्रमाला हजेरी लावण्यासाठी पुण्यात गेले होते.छगन भुजबळ यांच्या कार्यालयातून मिळालेल्या माहितीनुसार, त्यांना विशेष विमानाने पुण्याहून मुंबईत आणण्यात आले, त्यानंतर भुजबळ यांना बॉम्बे हॉस्पिटलमध्ये दाखल करण्यात आले.
छगन भुजबळ यांची प्रकृती खालावल्यानंतर त्यांना रुग्णालयात दाखल करण्याचा निर्णय घेण्यात आला. भुजबळांवर बॉम्बे हॉस्पिटलमध्ये विशेष उपचार सुरू आहेत. त्यांच्या प्रकृतीवर सातत्याने लक्ष ठेवण्यात येत आहे.
पंतप्रधान नरेंद्र मोदी यांच्या कार्यक्रमाला उपस्थित राहण्यासाठी मंत्री छगन भुजबळ गुरुवारी पुण्यात आले होते. येथे त्यांनी ताप आणि घशाच्या संसर्गाची तक्रार केली.येथे त्यांनी ताप आणि घशाच्या संसर्गाची तक्रार केली. यानंतर ते विशेष विमानाने मुंबईत परतले आणि त्यांना बॉम्बे हॉस्पिटलमध्ये दाखल करण्यात आले. भुजबळ यांच्या कार्यालयातून मिळालेल्या माहितीनुसार, त्यांची प्रकृती स्थिर असून लोकांना अफवांवर विश्वास ठेवू नका, असे आवाहन करण्यात आले आहे.
