•IPS Officers Transfer List राज्यातील पाच आयपीएस अधिकाऱ्यांच्या बदल्या; नागपूरच्या सहपोलीस आयुक्त अश्वती दोरजे यांची मुंबईत बदली झाली होती.
मुंबई :- विधानसभेच्या आगामी निवडणुका लक्षात घेऊन राज्याच्या गृह विभागाने राज्य पोलिस दलातील भारतीय पोलीस सेवेतील आयपीएस अधिकाऱ्यांच्या बदल्यांचे आदेश काढले आहेत. गृह विभागाचे सह सचिव व्यंकटेश भट यांच्या स्वाक्षरीने हे आदेश काढण्यात आले आहेत. IPS officers Transfer List
गृह विभागाने गुरुवारी पाच आयपीएस अधिकाऱ्यांच्या बदल्या केल्या. त्यात राज्य गुप्तवार्ता विभागाचे सहआयुक्त निसार तांबोळी यांच्याकडे नागपूर (शहर) सहआयुक्तपदाची जबाबदारी सोपविण्यात आली. विशेष पोलिस महानिरीक्षक शारदा राऊत यांच्याकडे राज्य गुप्तवार्ता विभागातील सागरी सुरक्षा आणि विशेष सुरक्षा, भंडाराचे अधीक्षक लोहित मतानी यांच्याकडे सहायक पोलिस महानिरीक्षक (कायदा व सुव्यवस्था) अशी जबाबदारी देण्यात आली आहे, तर वर्धाचे अधीक्षक नुरूल हसन आणि नंदूरबारचे अप्पर पोलिस अधीक्षक नीलेश तांबे यांची अलीकडेच बदली करण्यात आली होती. त्यांच्या सुधारित बदलीचे आदेशही गुरुवारी गृहविभागाने जारी केले. नव्या आदेशानुसार हसन यांची भंडारा, तांबे यांची नागपूर गुन्हे अन्वेषण विभागाच्या अधीक्षकपदी बदली करण्यात आली आहे. IPS officers Transfer List
