Maharashtra MLC Election 2024 : आदित्य ठाकरे सह ठाकरे गटांचे, काँग्रेस आणि राष्ट्रवादी शरदचंद्र पवार गटाच्या आमदारांनी मतदान केले
Vidhan Parishad Election 2024 विधान परिषदेच्या निवडणुकीमध्ये आतापर्यंत 270 आमदारांनी मतदान केले
मुंबई :- विधानपरिषद निवडणुकीचे 11जागांसाठी 12 उमेदवार रिंगणात असुन मतदान आज होत आहे. आत्तापर्यंत एकूण 270 आमदारांनी मतदान केले असून आता ठाकरे गटाचे नेते आदित्य ठाकरे यांनी मतदान केले आहे. त्यांच्यासोबत शंकर गडाख, उदयसिंह राजपूत, राहुल पाटील, कैलास पाटील हे देखील उपस्थित होते.काँग्रेसचे पुरंदर – हवेलीचे आमदार संजय जगताप पंढरीच्या वारीसाठी गेल्याची माहिती समोर आली आहे. ते मतदानाला उपस्थित राहणार की नाही हे अजून स्पष्ट झाले नाही.गणपत गायकवाडांसह 270 आमदारांचे मतदान पूर्ण झाले आहे. तर राजेश पाटील, क्षितिज ठाकूर, हितेंद्र ठाकूर, राजू पाटील या चौघांनी अजून मतदानाचा हक्क बजावला नाही.
भाजपचे आमदार गणपत गायकवाड यांच्यावर काँग्रेसकडून आक्षेप, गणपत गायकवाड विधान भवनात
शिंदे गटाच्या नेत्यावर गोळीबार केल्याने तुरुंगात असलेले भाजप आमदार गणपत गायकवाड विधान परिषद निवडणुकीसाठी विधान भवनात दाखल झाले आहेत. पण त्यांना काँग्रेसच्या आक्षेपानंतर मतदान करू दिलेले नाही. काँग्रेस पक्षाने गणपत गायकवाड यांच्या मतदानावर आक्षेप घेतला असून त्यामुळे गायकवाड यांना मतदान करू दिले नाही. यासंदर्भात मुख्य निवडणूक आयोगासोबत बोलणी सुरु असल्याची माहिती आहे. दुसरीकडे गणपत गायकवाड मतदान केंद्रच्या बाहेर उभे आहेत.
